Klinik dietologiya va nutrisiologiya

Gippokrat(e.a.  IV  asr)  oziq-ovqat  mahsulotlari  tarkibi  xilma-xil, 
bu  tarkibni  kuchaytirish  va  susaytirishni  bilish  kerak,  ovqatlanish 
yoshga, kasbga, vaznga  va ob-havoga bog‘liqligini o‘rgangan. Bizning 
zamongacha  etib  kelgan  yozma  manbalarga  ko‘ra  ovqatlanish  odam 
organizmi funktsiyasini bajarishda muhim rol o‘ynaydi. Qadimgi yunon 
faylasuflari ovqatlanishni  tizimli ravishda material hayot kategoriyasiga 

---

11 
 
kiritadilar:  Pifagor  shogirdi  Alkmeon  Krotonskiy  (e.a.  VI  asr)  ovqatlanishni 
ortiqcha va kam iste’mol qilish haqida tadqiqot olib borgan. Empedokl Akragskiy 
(e.a. V asr) ovqatlanishda oziq moddalarini ahamiyati haqida fikrlar bildirgan. 
 
Gippokrat  o‘zining  “Parhez  (dieta)  haqida”  deb  atalgan  asarida  ovqatlanish 
mavzusida quyidagilarni tavsiya etgan: 
- Inson tomonidan iste’mol qilinadigan oziq-ovqat mahsulotlari va ichimliklar 
tarkibi xilma-xilligi. 
- U yoki bu oziq-ovqat mahsulotlari tarkibini kuchaytirish yoki susaytirish. 
- Iste’mol  qilinadigan  ovqat  yoki  ichimlik  inson  organizmiga  uning  jismoniy 
holatiga ta’sir ko‘rsatishi. 
- Qabul  qilingan  ovqatning  miqdori  odamning  yoshi,  vazni,  iqlim  sharoiti,  
yashash joyi, yil fasllariga bog‘liqligi. 
Aristotel  (e.a.  IV  asr)  Gippokrat  fikrlarini  va  tadqiqotlarini  davom  ettirib, 
ovqatlanishda  zararli  moddalar  haqida  fikr  yuritgan  va  ovqatlanishni  bir 
kompensator omil sifatida talqin qilgan. Buyuk shifokor Klavdiy Galen (e.a. II asr) 
shogird  sifatida  Gippokrat  va  Aristotel  ishini  davom  ettirib,  ovqatlanish  inson 
a’zolarini tiklanishida va ularni funtsional qobiliyatlarida ahamiyatli ekanligi haqida 
izlanishlar olib borgan.