Кириш (СЎз боши)

2) Syujet darsi. O‘qituvchi yangi materialning tugallanmagan bir qismini o‘quvchilarga berib xulosa chiqarishni topshiradi. Berilgan syujetdan xulosalar chiqarishga, o‘quvchilarni turlicha fikirlashga, xulosalardan eng yaxshilarini tanlashga o‘rgatadi.
Syujet tipidagi darslar o‘quvchilar tafakkurini o‘stiradi, nutqini ravon qiladi. Darsda o‘quvchilarning faoligini oshiradi.
3) Mustaqil tafakkur yurutish darsi. O‘quvchilarga yangi materialning ayrim qismlari beriladi. Berilgan voqyea – xodisalarning kelib chiqish sabablarini izlashni o‘quvchilarning o‘zlari bajarishlari kerak. Masalan, «bolalar, yaxshilar qalbi yaradur, degan fikr mavjud. Siz bunga qanday qaraysiz? Inson yaxshi bo‘lmasligi kerakmi?» degan savol bilan murojaat qilish mumkin. Dars o‘quvchilarni mustaqil fikirlashga, tafakkur yuritishga o‘rgatadi. O‘qituvchi material tanlashda uni qiziqarli, maqsadiga javob beradigan bo‘lishiga erishish kerak.
4) Seminar darsi. Dars malum bo‘lim va boblar o‘tilgandan keyin oldindan ko‘rilgan tayorgarlik asosida o‘tadi. O‘qituvchi o‘quvchilarga zarur adabiyotlarning ro‘yxati, semenar mavzusi va rejasini beradi (berib qo‘yishi kerak). Temachalar bo‘yicha bir savol javobni bir necha o‘quvchi to‘ldirishi mumkin.
Dars oxirida o‘qituvchi javoblarni xulosalaydi. O‘quvchilarning yutuqlarini ko‘rsatadi. Seminar darslari o‘quvchilarda izlanish, mustaqil fikirlash va ularga javobgarlik hissini tarbiyalaydi.
5) Hisobot darsi. a) O‘qituvchi yirik boblarni maro‘za shaklida o‘tadi. O‘quvchilarga materialni qamrab oladigan hisobot savollarni beradi. Keyingi soatlarda shu savollarga javob olish imkonini beradi. Yaxshi o‘zlashtiradigan o‘quvchilar bilan qushimcha ishlash va past o‘zlashtiradiganlariga yordam berish uchun sharoit yaratiladi. O‘quvchilar o‘zaro savol-javob qilishlari mumkin. O‘qituvchining o‘quvchiga ishonchini, o‘quvchilarda masuliyat hissini oshiradi. b) o‘quv yili va chorak davomida o‘tilgan mavzular yuzasidan savollar berib qo‘yiladi. O‘quvchilar tayyor paytida yoki ro‘yxat asosida javob berishlari mumkin. Hisobot darslari o‘quvchilarni o‘tilgan materiallarni to‘lik bilishga undaydi. Ularda berilgan topshiriqlarni vaqtida bajarish hissini tarbiyalaydi.