Кириш (СЎз боши)

MAVZU: AN’ANAVIY DARSLARNI ZAMONAVIY PEDAGOGIK TEXNOLOGIYa ASOSIDA UYuShTIRISh
REJA:

1. 
   An’anaviy darslarning o‘ziga xos tomonlari.
   
2. 
   Grammatikaga oid darslarda zamonaviy pedagogik texnologiyalardan foydalanish.
   
3. 
   Nutq o‘stirish darslarida zamonaviy pedagogik texnologiyalardan foydalanish.
   

Adabiyotlar

1. 
   “Ta’lim to‘g‘risida”gi Qonun. “Ma’rifat” gazetasi. 1998. 1.04.
   
2. 
   “Kadrlar tayyorlash milliy dasturi”. “Ma’rifat” gazetasi, 1998. 1.04
   
3. 
   A.G‘ulomov. Ona tili o‘qitish jarayonida o‘quvchilar tafakkurini oshirishning nazariy asoslari. Toshkent. 1989.
   
4. 
   A.G‘ulomov va boshqalar. O‘zbek tili o‘qitish metodikasi. TOshkent 1975.
   
5. 
   “Ta’lim samaradorligini oshirish yo‘llari”. Seminar trening materiallari. Toshkent 2002.
   
6. 
   J.Yo‘ldoshev, S.A.Usmonov. Pedagogik texnologiya asoslari. T.2004.
   
7. 
   B.To‘xliyev, M.Shamsiyeva, T.Ziyodova. O‘zbek tili o‘qitish metodikasi. T.2006.
   
8. 
   Sh.Yusupova. O‘qituvchi kitobi. Akademik lisey o‘qituvchilari uchun. T.2003.
   
9. 
   A.G‘ulomov. Ona tili o‘qitish prinsplari va metodlari. T.1992.
   
10. 
    Umumiy o‘rta ta’limning DTS va o‘quv dasturi. Xalq ta’limi vazirligining axborotnomasi, 1-maxsus son. T.1999.
    
11. 
    “Til va adabiyot ta’limi” jurnali, 2001. 1-son.
    
12. 
    “Til va adabiyot ta’limi” jurnali, 2002. 4-son.
    
13. 
    “Til va adabiyot ta’limi” jurnali, 2003. 4-son.
    

Har qanday fan, xususan, ona tili o‘qitishning uzoq tarixi mavjud. Qadimiy shakllangan o‘qitish usullari ijtimoiy talab taqozosi bilan o‘zgarib, takomillashib boradi. XVII asrda an’anaviy ta’lim nomini olgan dars-sinf tizimi hozirgi kunga kelib davr talabiga javob berolmay qoldi. Natijada, ta’lim tizimida va o‘qish-o‘qitish ishlarida keskin o‘zgarishlar yuz bera boshladi.

Darhaqiqat ta’lim jarayonini isloh qilish masalasi qisqa muddat ichida sodir bo‘ladigan masala emas, u yillar davomida kelingan xulosa va o‘zgarishlardir.
An’anaviy ta’lim tizimining davr talablariga javob bera olmaydigan jihati shundaki, unda yetakchi metod deduksiya bo‘lib o‘quvchi dars jarayonining passiv tinglovchisiga aylanganligidir. Bu metodning asosini o‘qituvchi bayoni, bilimlarni tayyor holda taqdim qilish kabilar sanaladi. Ularda o‘quvchining xotirasi, xotirlashi, eslab qolish qobiliyati asos qilib olinadi. O‘quvchilardagi bunday salohiyat, albatta, bir xil bo‘lmaydi. Shunday bo‘lar ekan o‘quvchilarning o‘zlashtirish darajasi ham shunga mos bo‘lishi tabiiy holdir. Bunday negativ holatni bartaraf qilish uchun ilg‘or tajribali o‘qituvchilar darslarda zamonaviy pedagogik texnologiyalarni qo‘llay boshladilar. Chunonchi nutq madaniyatiga e’tiborni kuchaytirish; o‘qituvchi nutqining mantiqiy talab darajasida bo‘lishi, sodda, mazmunli, ifodali, izchil bo‘lishi o‘quvchilarning materialga qiziqishini orttiradi va o‘zlashtirishini osonlashtiradi. Bilimlarni asoslash, ishontirish o‘rganilayotgan materialga katta qiziqish uyg‘otadi, o‘quvchilar xotirasida uzoq saqlanadi; materialni qat’iy reja asosida bayon qilish ham tinglash va o‘zlashtirish imkoniyatini kengaytiradi. Maktab ona tili o‘qituvchisiga qo‘yiladigan bunday talablar o‘quvchilarni darsga qiziqtirish, faolligini oshirishdir. Natijada garchand sekinlik bilan bo‘lsa ham o‘qituvchi dars jarayonida o‘z o‘quvchilarini mavzu ichiga kiritib, xulosalarni o‘quvchilar vositasida chiqarishga odatlantirishdir.