Kirish. Mavzuning dolzarbligi

Kurs ishining obyekti va predmeti. Ushbu kurs ishining obyekti sifatida O’zbekiston Respublikasi va Xitoy Xalq Respublikasi investitsiyalarni jalb etuvchi va ularni loyihalashtiruvchi, kapital harakati, eksport va import bilan shug’ullanuvchi davlat organlari, vazirliklar, idoralar va tashkilotlardir. Predmeti esa ushbu yo’nalishda olib borilgan ishlar, chora tadbirlar va dasturlardir.
Kurs ishining metadologik asoslari. Kurs ishining metadologik bazasi sifatida Saidbekova B. D, Nazarova G. F, Xakimov N. Z, Bobojonov B. R, Ergashev D. R, Sultonova N. A, Isajonov A, Xalilov X. X va Vahobov B. A, Tajibayeva D. A va boshqalar ilmiy asarlaridan va ilmiy maqolalaridan olindi. Bundan tashqari Jahon Banki, JST, BMT, World Report, World Factbook va boshqa xalqaro tashkilotlar statistik maqolalaridan, Xitoy statistika byurosi (National Bureau of Statistics of China) malumotlaridan hamda iqtisodiy statistikalar saytlardan foydalanildi.
Kurs ishining strukturasi: Ushbu kurs ishi ikkita bobdan iborat bo’lib, birinchi bob uchta qismdan iborat. Bunda ochiq iqtisodiyotning samaradorligi nazariy jihatdan ifodalangan, ochiq iqtisodiyotni shakllantirishda davlatning roli qay darajadaligi va iqtisodi rivojlangan, rivojlanayotgan va o’tish davrida bo’lgan mamlakatlarda ochiq iqtisodiyot tahlili berilgan. Ikkinchi bob amaliy qismda ochiq iqtisodiyotning samaradorligi Xitoy Xalq Respublikasi misolida tahlil qilingan hamda O’zbekiston Respublikasining tashqi iqtisodiy faoliyati prinsiplari va ochiq iqtisodiyot modeli keltirilgan. So’ngi qismda xulosa va takliflar bildirilgan.
I BOB. JAHON XO’JALIGIDA OCHIQ IQTISODIYOT MODELINING NAZARIY ASOSLARI.
1.1 Ochiq iqtisodiyot modeliningning mohiyati va uning samaradorligi tushunchasi.

Tashqi iqtisodiy siyosat har qanday milliy iqtisodiyot taraqqiyotini ta’minlashning muhim vositasidir. Lekin bir-biridan farq qiladigan ikkita model mavjud.

Birinchi modelda jahon bozori bilan mustahkam bog‘liq, eksportga ishlaydigan tarmoqlar ustunlik qiladigan ochiq iqtisodiyotni vujudga keltirishga qaratiladi.