Kirish. Mavzuning dolzarbligi

2.2 Xitoy Xalq Respublikasining zamonaviy ochiq iqtisdiyot modelining samaradorligi tahlili.
Xitoy Xalq Respublikasi – hozirgi kundagi dunyodagi Amerika Qo’shma Shtatlaridan keying iqtisodiyoti eng katta ikkinchi davlat va iqtisodiyoti oxirgi o’ttiz yil ichida o’rtacha 10% o’sish bilan eng tez rivojlanayotgan davlat hisoblanadi. Xitoy, shuningdek, eng katta eksportchi mamlakat hamda ikkinchi eng katta importchi mamlakat hisoblanadi. 2013-yilda Xalqaro Valyuta Fondi bergan ma’lumotlariga qaraganda Xitoyning aholi jon boshiga keladigan YAIM (PPP) 9844 dollarga nominal YaIM 6732 dollarga to’g’ri keladi va dunyoda mos ravishda 83-o’rin va 92-o’rinda turadi. Sohil bo’yi provinsiyalari markazdagi provinsiyalariga qaraganda rivojlangan hisoblanadi.
Xitoyda iqtisodiy islohotlar olib borilgan so’ngi 25-30 yil davomida olamshumul muvaffaqiyatlar qo'lga kiritildi. 1998-yilda ichki ishlab chiqarishning umumiy qiymati 1978-yildagidan 5,4 hissa ortiq bo'ldi. Xitoyda ishlab chiqarish qoldiqlarini qayta ishlash keng yo'lga qo'yildi. Xitoy har yili rivojlangan davlatlardan ishlab chiqarish qoldiqlarini sotib olib, qayta ishlaydi va milliardlab foyda oladi. Hatto 1998-yilda Osiyoda pul masalasi inqirozi hamda tarixda kam uchraydigan kuchli suv toshqiniga duch kelinganda ham Xitoyda ishlab chiqarishning umumiy qiymati 1997-yildagidan 7,8 foizga oshdi. Bu davrda qator sanoat va qishloq xo'jaiik mahsulotlari ishlab chiqarish miqdori, masalan, guruch, paxta, go'sht, yog'-moy, ko'mir, po'lat, sement, gazlama, televizor ishlab chiqarish bo'yicha Xitoy dunyoda birinchi o'ringa chiqdi. Xitoy iqtisodiy islohot davomida bozor xo'jaligini yo'lga qo'ygan davlatlarning tajribalarini ijodiy o'zlashtirib, o'tgan yillar davomida iqtisodiy munosabatlarni tartibga soladigan ko'plab qonun, nizom, qoida va qarorlarni qabul qildi va ularni yangidan vujudga kelgan iqtisodiy-ijtimoiy munosabatlarxarakteriga moslashtirib, vaqti-vaqti bilan tuzatib bordi. Bu qonunlar islohot natijalarini himoyalash va mustahkamlashni, bozor munosabatlariga oson o'tish va uning mo'tadil rivojlanishini kafolatlagan.