Kirish magistrlik dissertasiyasi mavzusining asoslanishi va uning dolzarbligi

Mavzuning o’rganilish darajasining qiyosiy tahlili: XIX asrning oxiri XX asr boshlarida Turkistonda yashab ijod qilgan ba’zi bir jadid vakillarining pedagogik qarashlari va ta’lim-tarbiya haqidagi g’oyalari A. Fattayev, Z. Mirtursunov, A. Boboxonov, M. Maqsumov, B. Qosimov, U. Dolimovlar tomonidan ishlab chiqarilgan.
E. Ablayevning doktorlik dissertatsiyasida esa jadidchilik harakatining asoschisi, olim, ma’rifatparvar Ismoilbek Gaspiralining pedagogik qarashlari yoritilgan bo’lib, bu tadqiqot O’zbekiston jadidchilik harakatining mohiyatini ochishda muhim ahamiyat kasb etadi.
Olimlarimizdan H. Boltaboyev, N. Karimov, E. Karimov, B. Qosimov, Ozod Sharofiddinov, S. Erkinov, A. Aliyev, Sh. Turdiyev, G. Rahimova, G’. G’aniyev, N. Yo’ldoshev va boshqalarning Fitrat hayoti, ijodi, faoliyatiga oid qator ilmiy, falsafiy, maqola va risolalarni e’lon qilgan.
H. Boltaboyev Fitrat hayoti, ijodi, uni xorijda o’rganilishi, ma’rifatchiligi haqida ma’lumotlar berish bilan birga, adibning barcha asar va maqolalari ro’yxatini e’lon qildi, ularning ba’zilarini esa qaytadan nashrga tayyorlab chop ettirdi. E. Karimov Fitratning hayoti va ijodini tahlil qilib, ba’zi asarlarini to’la-to’kis o’rganib chiqdi. B. Qosimov jadidchilik davri adabiyotini o’rganuvchi olim sifatida jadid vakillari qatorida Fitratning adabiy me’rosi, faoliyati va jadidchilik g’oyalari haqida juda muhim ma’lumotlarni keng xalq ommasiga yetkazdi. Ozod Sharofiddinov va Sh. Turdiyevlar Fitrat ijodining turli xil muammolariga oid ilmiy maqolalar chop ettirdilar. S. Erkinov Fitratning Navoiyshunoslikka qo’shgan hissasini, A. Aliyev esa uning “Bedil”, “Umar Hayyom” va boshqa asarlarini tahlil qildilar. I. G’aniyev Fitrat ijodi, dramalari, Fitratshunoslikka oid risolalar chop ettirdilar.
Tadqiqot ob’ekti: Pedagogika nazariyasi va tarixi fanidan «Abdurauf Fitratning pedagogik qarashlari» mavzusini o’qitishda interaktiv metodlardan foydalanish jarayoni.
Tadqiqot predmeti: Pedagogika nazariyasi va tarixi fanidan «Abdurauf Fitratning pedagogik qarashlari» mavzusini o’qitishda interaktiv metodlardan foydalanish shakl, usul va vositalari.