Yoshlar ishlari agentligi Toshent shahar boshqarmasi axborot va media bo‘limi faoliyatiga oid

Yoshlar ishlari agentligi Toshent shahar boshqarmasi axborot va media bo‘limi faoliyatiga oid

O'zbekiston Respublikasi Prezidentining 2022-yil 19-yanvardagi "Mahallalarda yoshlar bilan ishlash tizimini tubdan takomillashtirish chora-tadbirlari to'g'risida"gi PQ-92-son qarori ijrosini ta‘minlash, yoshlarning bo‘sh vaqtini mazmunli o‘tkazishga qaratilgan loyihalarni amalga oshirish, ayniqsa, mamlakatimiz bo‘ylab o‘tkazilayotgan “Besh tashabbus olimpiadasi” doirasidagi sport musobaqalari, ilmiy-ma’rifiy tanlovlar, ko‘ngilochar tadbirlarni ommaviy axborot vositalarida keng yoritish axborot bo‘limining asosiy vazifalaridan biri hisoblanadi.

Ushbu loyihalar doirasida, Toshkent shahrida mahalla-sektor hamda tuman bosqichlarida bo‘lib o‘tgan “Besh tashabbus olimpiadasi” doirasidagi musobaqa va tanlovlarning Toshkent shahar bosqichiga 4-iyun kunidan start berilgan. Hozirgi vaqtda musobaqalarimizning shahar bosqichi juda qizg‘in va murosalarga boy tarzda o‘tmoqda.
Jumladan, 4-iyun kuni O‘zbekiston Stol tennis federatsiyasida stol tennis musobaqasi, 5-iyun kuni Zahiriddin Muhammad Bobur nomidagi Toshkent markaziy eko bog‘ida shashka musobaqasi, 6-iyun kuni Uchtepa tumanidagi bolalar va o‘smirlar sport maktabida stribol musobaqasi, 7-iyun kuni O‘zbekiston Yengil atletika federatsiyasida yengil atletika musobaqasi, 8-iyun kuni Alisher Navoiy nomidagi O‘zbekiston Milliy kutubxonasida “Yosh kitobxon oila” va “Mushoira” ko‘rik tanlovlari, 9-10-iyun kunlari D.I.Mendeleyev nomidagi Rossiya kimyo-texnologiya universitetining Toshkent shahridagi filiali sport zalida volebol musobaqsi va 10-iyun kuni Quvnoqlar va zukkolar tanlovi, 11-iyun kuni Shayxontohur tumani Milliy gvardiya qo‘riqlash xizmati binosi sport zalida street workout musobaqasi, 12-iyun kuni Cyber Arenada Kibersport musobaqasining Toshkent shahar bosqichlari o‘tkazildi hamda o‘tkazilgan musobaqa va tanlovlar ommaviy axborot vositalari, teleradiokanallar, Agentlik Toshkent shahar boshqarmasi telegram kanallarida keng yoritildi.
14-iyun kuni esa Zukko kitobxon tanlovi va Zakovat intelektual o‘yinining Toshkent shahar bosqichlarini o‘tkazilishi rejalashtirilgan. 25-iyun kuni esa Xalqlar do‘stligi san’at saroyi maydonida “Besh tashabbus olimpiadasi” Toshkent shahar bosqichi yakunlari bo‘yicha musobaqa va tanlovlarda g‘olib bo‘lgan yoshlarimizni taqdirlash hamda yakuniy gala konsertini namoyish qilish rejalashtirib qo‘yilgan