Kirish I bob. Ta’limda innovatsion uslublarni ishlab chiqish va joriy etishning ilmiy–nazariy asoslari

Bugungi kunda O‘zbekiston Respublikasida tashkil etilayotgan ta’lim-tarbiyaning asosiy maqsadi komil insonni tarbiyalab voyaga etkazishdan iborat. Ta’lim tizimini isloh qilish vataniga, xalqiga, millatiga fidokor mustaqil fikrlaydigan, biron bir masalani ongli ravishda, mas’uliyat bilan hal qiladigan, izlanuvchi, yangilikka intiluvchi kadrlarni tarbiyalab voyaga yetkazishni o’z oldiga maqsad qilib qo’ygan bo’lib, O’zbekistonda olib borilayotgan iqtisodiy, ijtimoiy – siyosiy va ma’naviy hayot sohalarida olib borilayotgan islohotlarning pirovard natijasi ham eng avvalo ta’lim sohasidagi islohotlarga, kadrlar tayyorlash masalasiga uyg’un ravishda bog’liqdir. Ayniqsa bugungi kunda, jahon moliyaviy-iqtisodiy inqirozi davom etayotgan, O’zbekistonda bu moliyaviy-iqtisodiy inqirozning ta’sirini oldini olish va uni bartaraf etish yo’llari hamda choralari izlanayotgan bir sharoitda kadrlar saviyasi, ularning zamon va taraqqiyot talablariga javob berishi masalasi jamiyat oldida turgan eng muhim masalalardan biriga aylanib bormoqda.