Kirish. Fanning maqsadi va vazifalari. Reja

Kirish. Fanning maqsadi va vazifalari.
 
Reja
2.1. Nasoslar haqida umumiy ma’lumotlar.
2.2. Nasoslarning tasnifi.
2.3. Nasos qurilmasini tartibli sxemasi va asosiy parametrlari.
2.4. Nasos qurilmasining energiya balansi.
2.5. Markazdan qochma nasosning gidravlik tavsifi parametrlarini aniqlash.
2.1. Nasoslar haqida umumiy ma’lumotlar.
Nasos–qurilma bo‘lib (gidravlik mashina, apparat yoki jihoz), tomchili suyuqliklarni bosim ostida harakatlantiruvchi va tashqi energiyani birlashtiruvchi (potensial yoki kinetik) mashinadir. Suyuqlikni bosimsiz harakatlantiradigan qurilma nasos turkumiga kirmaydi va suv ko‘taruvchi mashinalarga mansubdir.
Nasos agregati – nasos (bir nechta nasoslarni) va harakatga keltiruvchi dvigatel birikmasidir.
Nasos agregatlari quyidagi turlarga ajratiladi:
-elektr nasoslar –elektr dvigateli yordamida harakatga keltiriladi;
-o‘zi suyuqlikni so‘ruvchi –eltuvchi quvur uzatmalarni suyuqlik bilan o‘zi to‘ldiruvchi so‘ruvchi nasoslar yoki qurilmalar bilan jihozlangan;
- botma (cho‘kma )–suyuqlik muhiti sathini ostiga botirilgan
Nasos qurilmasi – nasos agregati jihozlar bilan jamlangan, belgilangan sxemada montaj qilingan va nasosning ishini ta’minlaydi
Nasos ish rejimining asosiy parametriga–nasosni uzatish ko‘rsatgichi kiradi:
Hajmiy–birlik vaqt oralig‘ida haydaladigan suyuqlik muhitining hajmidir, m3/sek;
massasi–vaqt birligi oralig‘ida haydaladigan suyuqlik muhitining massasi, kg/sek;
haqiqiy–suyuqlikni hech qanday yo‘qotilmasdan uzatish ko‘rsatgichi, m3/sek (kg/sek).
Nasoslarni uzatishdan chetga chiqishi – nasosning haqiqiy uzatish bilan belgilangan uzatishi orasidagi farq.
Nasosni uzatish koeffitsiyenti–nasosni uzatishini uni ideal uzatishga nisbatini tavsiflovchi o‘lchamsiz kattalik.