Kirish bitiruv malakaviy ishining dolzarbligi

Sanoat kompleksi. Koreya Respublikasining 2001-yil 28-martidan kuchga kirgan 6452 raqamli “Sanoat va ishlab chiqarish obyektlari qurish va joylashtirish to’g’risidagi qonun”ga asosan ikki turdagi sanoat komplekslari tashkil etish mumkin: milliy sanoat komplekslari va hududiy sanoat komplekslari. Ushbu sanoat hududlarini tashkil qilishdan ko’zlangan asosiy maqsad milliy sanoatning strategik ahamiyatga ega sohalarining raqobatbardoshliligini va rivojlanishini ta’minlashdan iborat. Milliy sanoat komplekslari Qurilish va transport vazirligi qarori bilan tuziladi va keyinchalik Savdo, sanoat va energetika vazirligi tomonidan nazorat qilinadi, hududiy sanoat komplekslari esa shahar hokimi, markaziy boshqaruv apparati yoki viloyat gubernatori qarori bilan tuziladi.
Imtiyoz va ustunliklar. Ushbu hududlarda faoliyat yurituvchi kompaniyalar bir qancha hududiy soliq va bojlar to’lovidan ozod etiladi, ularning ishlab chiqarish obyektlari qurilishiga qilgan xarajatlarining bir qismi qaytariladi, infrastruktura bilan ta’minlash bo’yicha yordam ko’rsatiladi va h.k. Bundan tashqari ular sanoat parklari ichidagi yer maydoni va binolarni bozor narxidan ancha arzon narxda ijaraga olishi yoki sotib olishi mumkin. Xorijiy investitsiyalar ishtirokidagi milliy kompaniyalar ham sanoat komplekslarida xorijiy kompaniyalar bilan bir xil imtiyozlardan foydalanishlari mumkin.
Bundan tashqari, ushbu “Sanoat va ishlab chiqarish obyektlari qurish va joylashtirish to’g’risidagi qonun” Savdo, sanoat va energetika vazirligiga milliy sanoat komplekslari ichida yoki ulardan alohida Tashqi investorlar uchun sanoat komplekslari tashkil qilish huquqini beradi. Bunday holatda ularning maqomi barcha imtiyozlarni saqlagan holda milliy sanoat komplekslariga tenglashtiriladi. Shu bilan birga “xorijiy investitsiyalarni rag’batlantirish to’g’risida”gi qonunda ko’zda tutilgan xorijiy investitsiyalar ishtirokidagi kompaniyalar uchun amal qiladigan imtiyozlar ham ushbu hududlarda amal qiladi.