Kirish bitiruv malakaviy ishining dolzarbligi

Imtiyoz va ustunliklar. Koreys hukumati EIH faoliyatini tartibga soluvchi, Maxsus soliq qonunchiligi asosida (Special Tax Treatment Control Act) xorijiy investorlarga ko’plab soliq imtiyozlari taqdim etiladi.
Xususan, ushbu qonun korporativ soliq va tadbirkorlik faoliyatiga oid daromadlar soliqlardan (dividendlar ko’rinishidagi daromad, texnologiyalar litsenziyalari uchun to’lov) ozod qilinadi va kamaytiriladi. Bundan tashqari qonun ko’chmas mulkni EIHda xorijiy investorlar tomonidan sotib olish yoki ijaraga olishdagi soliqni kamaytirishni qamrab oladi.
Bundan tashqari quyida soliq imtiyozlari keltirilgan:

• 
  Milliy soliqlar (daromad solig’i va foyda solig’i) – operatsion daromadlarga soliqning 3 yilga bekor qilinishi, keyingi ikki yilda esa 50%li imtiyoz berilishi.
  
• 
  Kapital importiga soliq – 5 yil uchun bekor qilinadi.
  
• 
  Hududiy soliqlar(o’zlashtirish, mulk solig’i) - soliqning 3 yilga bekor qilinishi, keying ikki yilda esa 50%li imtiyoz berilishi.
  
• 
  Xorijiy firma va kompaniyalarning Koreyadagi filiallarida ishlovchi ishchi va rahbarlar, chet el fuqarolari bo’lgan hollarda, turli imtiyozlarga ega bo’ladilar. Ular 30% li umumiy daromad solig’idan ozod qilishni yoki 17% li aniq belgilangan soliq stavkasini tanlashlari lozim.
  

Xorijiy investitsiyalar ishtirokidagi yuqori texnologiyalar sohasida band tashkilotlar (information texnologiyalar, biotexnologiya, nanotexnologiya va b.) uchun investitsiya hajmi va ishchilar sonidan qat’iy nazar katta xorijiy kompaniyalarga taqdim qilingani kabi ulkan miqdorda imtiyozlar berilgan.
2004- yil 9-yanvardan boshlab “Xorijiy investitsiyalarni jalb qilish to’g’risidagi qonun”ga kiritilgan o’zgartirish va qo’shimchalar kuchga kirdi, bu bilan birga xorijiy investorlarga pul ko’rinishidagi subsidiyalar berish tizimi ishga tushdi(“cash grant system”). Ushbu o’zgarishdan foydalanish huquqi Koreya Respublikasida qayta tashkil etilayotgan kompaniyalarning aksiyalarini sotib oladigan xorijiy investorlar, shuningdek ishlab chiqarish sohasiga 10 mln.$ va undan ko’p, yoki ilmiy-izlanish sohasiga 5 mln.$ va undan ko’p investitsiya kiritgan xorijiy investorlarga beriladi. Naqd pul ko’rinishidagi subsidiyalar olish, ekspertlar fikricha, yer uchastkalari ijarasi, ishlab chiqalish obyektlari qurilishi, ko’chmas mulk sohasiga kiritiladigan investitsiyalarni jalb qiladi. Ushbu subsidiyalarning miqdori umumiy kiritilayotgan kapitalning 10%idan 20%igacha hisoblanadi. Bu miqdor aniqlanishida investorning iqtisodiyotni o’stirishdagi o’rni hisobga olinadi.
EIHda joylashgan xorijiy investorlarning erkin iqtisodiy faoliyat olib borishi uchun hukumat investitsiyalarga salbiy ta’sir o’tkazuvchi va ularning rivojlanishiga halal beruvchi byurokratik talablarni kamaytirdi yoki butunlay bekor qildi:

• 
  Davlat ishi bilan bog’liq kichik va o’rta korxonalar uchun preferensial ish rejimi;
  
• 
  Ishchilarning oylik dam olish va to’lovi bilan bog’liq majburiyatlar yo’qotilganligi;
  
• 
  Ijaraga olingan yerda doimiy qurilish obyekti qurish yoki 50 yilga davlat mulkini ijaraga olish imkoniyati;
  
• 
  IEHda tashkil etilgan firma, korxonalar aksiyalarini qo’lga kiritish yoki boshqarish bilan bog’liq cheklovlarning mavjud emasligi;
  
• 
  Xorijiy kapital ishtirokidagi kompaniyalar mablag’larni to’g’rifan to’g’ri chet el valyutasida o’tkazishlari mumkin (10000$gacha bo’lgan miqdorda);