Kirish bitiruv malakaviy ishining dolzarbligi

Erkin savdo hududlari. Erkin savdo hududlarining tashkil etilishi va faoliyat ko’rsatishi 2001-yil 14-avgustda qabul qilingan 6506 raqamli “Erkin savdo hududlarini tashkil etish to’g’risidagi qonun” orqali amalga oshiriladi. Bu qonun oldingi “Erkin eksport hududlarini tashkil etish to’g’risidagi qonun”ni butunlay qayta ishlash orqali yaratildi va ilgari tashkil etilgan va faoliyat yuritayotgan erkin eksport hududlarida Erkin savdo hududi maqomi berildi. Bundan ko’zlangan asosiy maqsad nafaqat eksportni qo’llab quvvatlash, balki birinchi navbatda boshqa davlatlar bilan savdo aloqalarini rivojlantirish hisoblanadi.
Hozirgi vaqtda Janubiy Koreya hududida 7 ta erkin savdo hududi faoliyat ko’rsatadi: Debul, Dongxe, Gime, Gunsan, Masan, Ulsan va Iulchon. ESH tashkil etish masalasi Koreya Respublikasining Savdo, Sanoat va energetika vazirliklari tomonidan shahar hokimi, markaziy boshqaruv apparati yoki viloyat gubernatori bergan taklifga asosan ko’rib chiqiladi va tashkil etiladi.
ESHda ofis ochish uchun ruxsat birinchi navbatda chet el kompaniyalariga yoki xorijiy kapital ulushi bilan ochilgan koreys kompaniyalariga beriladi. Asosiy talablardan biri ularning eksportga yo’naltirilgan ishlab chiqarish, eksport-import ulgurji savdo va logistika faoliyati bilan shug’ullanishi hisoblanadi.
Agar chet el kapitali ishtirokidagi koreys kopaniyasi davlatga qarashli yerni ijaraga oladigan bo’lsa, ijaraning maksimal muddati 50 yildan osmasligi kerak.