Kirish. Asosiy qism. Somoniylar davlatining siyosiy tarixi

Kirish.
Asosiy qism.
1.Somoniylar davlatining siyosiy tarixi.
2.Somoniylar davlatining ma’muriy boshqaruv tizimi.
3.Somoniylar davrida xo’jalik, ijtimoiy-iqtisodiy va madaniy hayot.
Xulosa.
Foydalanilgan adabiyotlar va manbalar ro’yxati.
Ilovalar.
KIRISH
Mavzuning dolzarbligi. XX asr o’zbek xalqi tarixida ro’y bergan eng muhim voqelik, shubhasiz, davlat mustaqilligiga erishish bo’ldi. Istiqlol sharofati bilan xalqning asriy orzusi ushalib, mustaqillik tufayli o’z e‘tiqodi, urf-odatlari, qadriyatlari o’z o’rniga qaytdi. Respublika taraqqiyotining o’zbek xalqiga xosbo’lgan xususiyat va an‘analarini hisobga olgan holda o’z rivojlanish yo’linitanlashi, boy madaniyati va ma‘naviyatini e‘zozlash, xalq istiqboliga qaratilgan milliy istiqlol mafkurasini targ’ib etish, Vatan tarixini xolisona o’rganish va tadqiq etishni hayotiy zaruriyat darajasiga ko’tardi.Birinchi prezidentimiz I.A. Karimov ta’kidlaganlaridek “O’z oldiga huquqiy demokratik davlat qurishni maqsad qilib olgan O’zbekistonning XXI asrdagi istiqbol siyosati – bu jamiyatni demokratlashtirish va yangilash, mamlakatni modernizatsiya va isloh etishdir”¹. Zero mazkur jamiyatni barpo etishda, davlat boshqaruvini to’g’ri, izchil yo’lga qo’yishda davlatchiligimizni tarixiy nuqtai-nazardan boshqaruvini o’rganish va boy tarixiy tajribadan foydalanish amaliyotga tadbiq etish muhim ahamiyatga ega.
Uch ming yillik davlatchilik an‘analariga ega bo’lgan o’zbek xalqi tarixida ilk o’rta asrlar tarixida eng qudratli davlatlardan biri hisoblangan Somoniylar davlati alohida o’rin egallaydi. Somoniylar davlatining davlat boshqaruv apparati, davlat boshqaruv tizimlari, bunda eng yuqori davlat lavozimi hisoblangan saroydagi davlat lavozimlaridan tortib kichik davlat lavozimlari va ularning asosiy vazifalari hamda Somoniylar davlatidagi yer egaligi, aynan davlat xizmatlari uchun in’om etilgan yer egaligi turlari va vazifalari, din va uning vazifalari din peshvolarining jamiyat hayotidagi o’rni, diniy unvonlar shu bila birga somoniylar davlatining markazlashuvida harbiylarning ahamiyati somoniylar davlati armiyasi va armiyadagi harbiy unvonlar va unvonlarning qay tartibda berilishi hamda harbiy unvonlarning vazifalari va ahamiyatini tadqiq etish, xolisona yoritish bugungi kun tadqiqotchi olimlarning tadqiqot obyektiga aylanib boryapti.