Kirish 1-test Quyidagi ta’rif qaysi tilga nisbatan aytilgan? «Xuddi bir guruh mutaxassislar birgalashib ishlab chiqqanday»

MATN. TO‘PLAM VA TASNIF

1. Ushbu nazm yoyiq matn koʻrinishiga aylantirilsa, matnning qaysi turiga oid boʻladi?

Kechki osmon ohista
Qorni elay boshlaydi.
Tunning qora sochiga
Oq oralay boshlaydi (Dilshod Rajab)
A) muhokama B) tasviriy C) hikoya D) nazariy

2. Bir bor ekan, bir yo‘q ekan, bir chol bor ekan. Uning Zumrad ismli qizi bor ekan. Chol bir qizi bor ayolga uylanibdi. Qizining ismi Qimmat ekan. O‘gay ona Zumradni yoqtirmas ekan. Eng og‘ir ishlarni unga buyurar, qarg‘ab, urarkan.

Ushbu matn matnning qaysi turiga oid?
A) muhokama B) tasviriy C) hikoya D) nazariy

3. Olimlar kompyuterni inson miyasidan andaza olib yaratgan. O‘ylaydi. Hisob-kitob qiladi. Muammoni yechadi. Xulosa chiqaradi. Eslab qoladi... Faqat kompyuterning insondan bitta ustunligi bor: keraksiz axborotni xohlagan paytda xotirasidan

o‘chirib tashlashi mumkin... Odam esa yomon xotiralarni miyasidan o‘chirib tashlolmay aziyat chekadi... (O‘. Hoshimov)
Ushbu matn matnning qaysi turiga oid?
A) muhokama B) tasviriy C) hikoya D) nazariy

4. Mavzu matndagi asosiy fikrning nima haqida ekanligi dastlab nimadan bilinadi?

A) mazmundan B) Grammatik vositalardan C) sarlavhadan D) hajmidan

5. Quyidagi matn turini toping.

Somon suvoq chakki bo‘lmagan: faqat bir-ikki xonaning burchaklari notekisroq chiqqandi. Buning sababi gazcho‘p ishlatishni yaxshi bilmaslikda edi. Usta buni aytmoqchi ham bo‘ldi-yu, keyin bu o‘ydan qaytdi, chunki notekis joylarni ganj suvoqda to‘g‘rilab yuborish qiyin emas edi, usta umuman kamchilik qidirishni yoqtirmas, buni «qarilik kasali» deb bilardi. (O.Yoqubov)
A) muhokama B) tasviriy C) hikoya D) nazariy

6. Gulniholning ismi jismiga monand: yuzi gul, qomati niholdek, ko‘zlari o‘ychan, qora qoshlari mayin, qayrilma. Chehrasi farishtali, ko‘zlari ma’nodor, iboli. Harakatlari yengil, nazokatli. Lekin uni yaxshilab kuzatgan sinchkov kishi shuncha husn-latofat, nafis qiliqlar aro botiniy bir kuch, qat’iyat mavjudligini sezmay iloji yo‘q. Bu kuch uning tomirida oqayotgan qondan − otameros. Otasi ... mard, cho‘rtkesar odam edi. (Jo‘ra Fozil)

Berilgan matn qaysi matn turiga oid?
A) muhokama B) tasviriy C) hikoya D) nazariy

7. Quyidagi matndan qo‘shma gaplar sonini toping.

“Bolaligimda otam bilan tog‘da cho‘ponlik qilar edim. Bir kuni ikkov buloq boshida o‘tirar edik, beixtiyor suvga tupurib yuboribman.
«Suvga tupurma, bolam,−dedi otam,−harom bo‘ladi».
− Oqib ketayotgan suv ham harom bo‘ladimi? − dedim men.
− Ha, − dedi otam, − hamma haromlik bir tupukdan boshlanadi”.
A﴿ 4 ta B﴿ 3 ta
C﴿ 2 ta D﴿ 1 ta

8. Matnga qo‘yiladigan birinchi talab nima?

A﴿ Matndagi asosiy fikr(lar)ni anglab olish
B﴿ Matn ijodkorining mahoratini belgilash
C﴿ Mos sarlavha qo‘yish
D﴿ Fikr mazmunini bir jumlada xulosa sifatida ifodalash

9. Mahallamizning bir tomoni Tikonlimozor, bir tomoni Qo’rg’ontagi. Uzun ko’chaning o’ng, chap tomonidagi pastqam, tor ko’chalarda o’g’il va qiz bolalar to’planib, har xil o’yinlar o’ynaymiz. “Kurash”, “Botmon-botmon”, “Oq terakmi, ko’k terak?”, “Qushim boshi”, “Mindi-mindi”, “Bekinmacho” degan o’yinlarimiz bor. (G’afur G’ulom)

Toʻplamdagi tasniflanuvchi birliklarning nechtasi soʻz birikmasi (so‘z emas) tarzida yuzaga kelgan?
A) 3 tasi B) 4 tasi C) 1 tasi D) 2 tasi