Kiri sh mavzuning dolzarbligi

Birinchi salib yurishi (1096 - 1099) Yurish uchun qo‘shin to‘plash. Birinchi salib yurishida qirollar ishtirok etmadi. Graflar, gersoglar va knyazlar qatnashdi. 1096 yilgi olomon uyushtirgan salib yurishi davom etayotgan paytda, Yevropaning turli yerlaridan yig‘ilgan ritsarlardan tuzilgan muntazam qo‘shin yurishga tayyorlana boshladi. Graf Raymund Tuluzskiy papa legati Ademar Monteylskiy va Yepiskop Le-Pyui bilan birgalikda Provans ritsarlariga, knyaz Boumend Tarentskiy va uning qarindoshi Tankred Janubiy Italiya normanlariga, aka-uka Gotfrid, Estash va Bolduin Bulonskiy lotaringiyaliklarga, Robert Flandriyskiy, Robert Normandskiy, graf Stefan Bluaskiy va Gugo Vermandau (Fransiya qiroli Filipp I ning kichik ukasi) Shimoliy Fransiya ritsarlariga qo‘mondonlik qildi.¹
Konstantinopoldan yo‘lga chiqqan harbiylarning umumiy soni 300 mingga etardi. Qo‘shinga xizmat qiladigan yana 300 mingga yaqin qora ishchilar, ayollar va bolalar ham bo‘lgani hisobga olinsa, har holda, salibchilarning umumiy soni yarim milliondan ortgan.
Turli xil qo‘shinlar to‘rtta yo‘nalish bo‘ylab Konstantinopolda to‘plandi. Gotfrid va Bolduin o‘z qo‘shinlari va boshqa nemis bo‘linmalari bilan Dunay vodiysi bo‘ylab Vengriya, Serbiya va Bolgariyadan o‘tishdi. Yo‘lda mahalliy qo‘shin bilan to‘qnashuvlar yuz berdi. Bu guruh birinchi bo‘lib Konstantinopolga etib keldi va qish bo‘yi Shahar tashqarisida turdi. Yepiskop Ademar, graf Raymund va boshqalar Janubiy Fransiyadan yo‘lga chiqib Shimoliy Italiya orqali Konstantinopolga kelishdi. Guga, ikkala Robert va Eten o‘z qo‘shini bilan Angliya va Shimoliy Fransiyadan yo‘lga tushib Alp orqali o‘tishdi va Italiya bo‘ylab janubga yurishdi. Hamrohlarini Janubiy Italiyada qishlash uchun qoldirib Konstantinopol tomon yurgan Gugo kemasi halokatga uchradi, uni vizantiyaliklar qutqarib qolishdi va poytaxtga jo‘natishdi. Gugo imperatorning qo‘lida garov bo‘lib qoldi. Bahorda ikkala Robert va Eten Adriatikadan o‘tib Duratssoda to‘xtashdi va Konstantinopolga yo‘l olishdi. Xuddi shu yo‘l orqali Sitsiliyadan Boumend va Tanredning normanlardan iborat qo‘shini ham yurdi.