Kimyoning asosiy tushuncha va qonunlari nisbiy atom va nisbiy molekulyar massa. Modda miqdori

8.5. ERUVCHANLIK KO‘PAYTMASI

Suvda va boshqa erituvchilarda mutlaqo erimaydigan moddalar mavjud emas. Modda juda oz bo‘lsa-da, u yoki bu erituvchida eriydi. Kam eriydigan moddalarning eruvchanligini eruvchanlik ko‘paytmasi (K^o_s) yordamida tasvirlash mumkin. Masalan, BaSO₄ ning suvdagi eritmasida quyidagi muvozanatni kuzatish mumkin:

BaSO₄Ba²⁺+SO₄^2-.

Bu muvozanatga massalar ta'siri qonuni tatbiq etilsa:

hosil bo‘ladi. Bu tenglamadagi K va [BaSO₄] doimiy sonlar bo‘lganligi uchun K·[BaSO₄]=K^o_s=[Ba²⁺][SO₄^2-]

ni yozish mumkin. Bu erda [Ba²⁺] va [SO₄^2-] - eritmadagi Ba²⁺ va SO₄^2- ionlarining muvozanatdagi konsentratsiyalari, mol/l.

Umumiy ko‘rinishda Kt_aA_bKt^b++A^a- muvozanat uchun K^o_s=[Kt^b+]^a[A^a-]^b qiymatni yozish mumkin. Eruvchanlik ko‘paytmasi qiymati qancha katta bo‘lsa, cho‘kma shuncha kam eruvchan bo‘ladi. Bir qator ko‘p tarqalgan kam eruvchan moddalarning 25 ^oC da suvdagi eruvchanlik ko‘paytmalari qiymatlari 3-ilovada keltirilgan.

Cho‘kmalarning eruvchanligini (mol/l) s_c qiymat orqali quyidagicha ifodalash va aniqlash mumkin:

.

ni eruvchanlik koeffitsienti orqali topish uchun uni mol/l (molyar konsentratsiya) orqali ifodalash kerak bo‘ladi.

8.83. Bariy sulfatning 18 ^oC dagi eruvchanlik koeffitsienti 2,2·10^-4 g. Bariy sulfatning shu haroratdagi eruvchanlik ko‘paytmasini hisoblang.

Yechish: Bariy sulfatning shu haroratdagi eruvchanligini mol/l dagi qiymatini topamiz:

mol/l.

BaSO₄Ba²⁺+SO₄^2-

muvozanatga ko‘ra eritmadagi BaSO₄ konsentratsiyasi Ba²⁺ va SO₄^2- konsentratsiyalari yig'indisiga teng bo‘lganligi uchun

K^o_s=[Ba²⁺][SO₄^2-]=9,44·10^-6·9,44·10^-6=8,9·10^-11.

8.84. Kalsiy gidroksidning 25 ^oC dagi eruvchanlik koeffitsienti 1,55·10^-1 g bo‘lsa, shu moddaning eruvchanlik ko‘paytmasi qanday bo‘ladi?

Yechish: Kalsiy gidroksidning 25 ^oC dagi eruvchanligi:

mol/l.

Ca(OH)₂Ca²⁺+2OH^-

muvozanatga ko‘ra [Ca²⁺]=2,09·10^-2; [OH^-]=2·2,09·10^-2=4,18·10^-2 mol/l.

K^o_s=[Ca²⁺][OH^-]²=(2,09·10^-2)·(4,18·10^-4)²=3,65·10^-6.

8.85. Kalsiy ftoridning 18 ^oC dagi eruvchanlik koeffitsienti 1,6·10^-3 g bo‘lsa, shu moddaning eruvchanlik ko‘paytmasini aniqlang. (Javob: 3,45·10^-11).

8.86. Qo‘rg‘oshin ftoridning 18 ^oC dagi eruvchanlik koeffitsienti 0,064 g bo‘lsa, shu moddaning eruvchanlik ko‘paytmasini aniqlang. (Javob: 7,11·10^-8).

8.87. Kumush bromidning 25 ^oC dagi eruvchanlik koeffitsienti 1,65·10^-5 g bo'lsa, shu moddaning eruvchanlik ko‘paytmasini aniqlang. (Javob: 7,7·10^-13).

8.88. Kumush karbonatning 20 ^oC dagi eruvchanlik koeffitsienti 0,0032 g bo‘lsa, shu moddaning eruvchanlik ko‘paytmasini aniqlang. (Javob: 6,24·10^-12).

8.89. Kadmiy sulfidning 25 ^oC dagi eruvchanlik ko‘paytmasi 6,5·10^-28 bo‘lsa, uning eruvchanlik koeffitsienti qanday bo‘ladi?