«кимё» фанидан маъруза

v₁ = v₂ v₁ = K₁[A]^a[B]^b
v₂ = K₂[C]^c[D]^d
Демак,
К₁[A]^a[B]^b = K₂[C]²[D]^d
бундан
K₁ [C]^c [D]^d
K = ------- = --------------
K₂ [A]^a [B]^b


K - мувозанат константаси.
Демак, мувозанат константаси шуни кўрстатдики, ҳосил бўлган моддалар мувозанат концентрациялари кўпайтмасининг, дастлабки моддалар мувозанат концентрациялари кўпайтмасига нисбати ўзгармас қийматга эга бўлганда кимёвий мувозанат қарор топади.
3. Кимёвий мувозанатга таъсир этувчи омиллар.
Ле-Шателье принципи.

Кимёвий реакцияларнинг мувозанат ҳолатига температура, босим ва реакцияда иштирок этаётган моддаларнинг концентрациялари таъсир этади. Ташқи шароит таъсирида концентрациянинг ўзгариши мувозанатнинг силжиши дейилади. Бу ҳолат Ле-Шательенинг принципига бўйсунади: “Системанинг кимёвий мувозанат ҳолатига доир шароитлардан (температура, босим, концентрация) бири ўзгартирилса, мувозанат шу ўзгаришга қарши таъсир кўрсатувчи реакция томонга силжийди”.

1. Кимёвий мувозанатга температуранинг таъсири.
Ле-Шателье принципига мувофиқ температуранинг кўтарилиши реакцияни иссиқлик ютиладиган томонга силжитади:


А + В С + Q


А ва В дан С модда ҳосил бўлишида иссиқлик ажралиб чиқади (экзотермик реакция). С модданинг А ва В моддаларга ажралишида иссиқлик ютилади (эндотермик реакция). Агар мувозанатда турган бу система қиздирилса, ташқи таъсир системанинг температурасини оширади. Бу таъсирни йуқотиш учун реакция ўнгдан чапга бориши, яъни С модда ажралиши керак, чунки бунда иссиқлик ютилади. Шундай килиб, температурани кўтариш мувозанатни чап томонга, температурани пасайтириш эса иссиқлик ажралиб чикадиган - ўнг томонга силжитади.