Кичик гуруҳ (3-4 ёш)

 
Ўқув йили охирида бола: 
- катталар билан муносабат ўрнатади; 
- катталар ҳамда тенгдошларининг кайфиятини, ҳиссий ҳолатини сезади; 
- уюшган ўйин жамоаларига кириша олади; 
- мулоқот даврида ва ҳамжиҳатликда олиб бориладиган фаолиятларида (суюниш, 
завқланиш ва бошқа ҳолатлар) шаклланади; 
- атрофдагиларнинг ўзига нисбатан самимий ва носамимий муносабатларини 
англайди; 
- катталарга ёрдам сўраб мурожаат қилади; 
- жуфтликда ўйнашга интилади; 
- ролларни тақсимлаб, биргаликда келишиб, ҳамкорликда ўйнайди; 
- турли мавзуларда суҳбатлашади; 
- тенгдошлари орасида ўзини ажрата олади; 
- яқинларининг ички кечинмаларини тушуна бошлайди; 
Нутқ, ўқиш ва саводга тайёргарлик 
Теварак-атрофдаги билим ва тасаввурларни чуқурлаштириш асосида болаларнинг сўз 
бойлигини ошириш ва фаоллаштириш. Болаларни ўзининг эҳтиёжини қондириш учун мурожаат 
қилиш, савол бериш, ўзининг ҳатти ҳаракатларини бошқариш, фаолиятини сўз билан 
ифодалаш, табиат ҳодисаларини ифодалай олиш, бир қанча содда гаплардан ҳикоя туза 
олиш, турли буюмлар ва расмларни диққат билан кўриш малакасини ҳосил қилиш.
Нутқни ривожлантирувчи муҳитни яратиш мақсадида таълимий ўйинлар ўтказиш. 

---

54 
Товуш маданиятини тарбиялаш. Болаларнинг h, k, o‘, e, r, l, s каби товушларни аниқ, 
тўғри талаффуз этишларини мустаҳкамлаш. Она тилидаги барча товушларни аниқ, тўғри 
талаффуз этиш. Сўзларни ўртача баландликда, дона-дона талаффуз этиш, жумла охирида 
тўхтаб, бир меъёрда гапириш малакаларини ўстиришни давом эттириш. Фонетик идрокни, 
эшитиб, товуш ва сўзларни фарқлашни шакллантириш. Сўзларни адабий талаффуз 
қоидаларига риоя этган ҳолда айтишларини такомиллаштириб бориш. Болаларга турли 
суҳбатларда иштирок этиш, суҳбат мавзуи бўйича берилган саволларга тўғри жавоб 
қайтариш ва саволларни тўғри бера билиш кабиларни ўргатишни давом эттириш.
Луғат иши. Теварак-атрофдаги нарса-ҳодисалар ҳақидаги билим ва тасаввурларини 
чуқурлаштириш ва кенгайтириш асосида болалар луғатига буюмлар, улар қандай 
маҳсулотлар (ёғоч, темир, чинни, пластмасса)дан тайёрланганлиги, сифати ва уларнинг 
вазифасини билдирувчи сўзларни киритиш. Шу билан бирга турли касбларни билдирувчи 
номлар: ошпаз, энага, сотувчи, қурувчи, ҳайдовчи. Уларнинг бажарадиган ишлари: 
пиширади, боқади, соғади, қуради, ҳайдайди. Буюмларнинг жойлашиш ўрни: ўнгда, чапда, 
ўртасида, орқасида, яқинида, ёнида. Вақт жиҳатдан ҳар бир кун турли қисмларга бўлиниши: 
эрталаб, кундузи, кечқурун, кечаси ва б. Инсонларнинг ҳолат ва кайфиятларини (хафа, 
хурсанд), қарама-қарши маънони билдирувчи сўзлар (антонимлар): катта-кичик, узун-қисқа, 
қоронғи-ёруғ каби сўзлардан фойдаланишга ўргатиш. Туркум тушунчаларини англатувчи 
сўзлар: сабзавот, мева, мебель, пойафзал кабиларни тушуниш ва қўллаш малакаларини 
ўстиришни давом эттириш. 
Луғатини фаоллаштириш. Болаларнинг ўз нутқларида ўрганган сўзларидан, айниқса, 
буюмларнинг номи, қисмларини билдирувчи отлардан, уларнинг ранги, туси ва хоссаларини 
англатувчи сифатлардан: силлиқ, ғадир-будур, оғир, енгил, синади, синмайди каби кўп 
фойдаланиладиган феъл ва равишлардан мустақил, эркин, тўғри фойдаланиш малакаларини
ўстириш.