Кичик гуруҳ (3-4 ёш)

ЎРТА ГУРУҲ
4-5 ёш болаларнинг ривожланиш хусусиялари 
Бола тўрт ёшга етгач, унинг жисмоний ўсиши бир мунча жадаллашади, бу давр 
мобайнида бўйи 
105-108 см гача ўсади, оғирлиги эса 18-19 кг бўлади. Бу даврда боланинг 
мияси тез ривожланади. Катта ярим шарлар пўстлоғининг фаолияти такомиллашиб боради. 

---

46 
Боладаги асосий ҳаракатларнинг ривожланишида жиддий-сифат ўзгаришлар содир бўлади, 
уларни бажаришда табиийлик ортиб боради, болаларда қиёслаш кўникмаси шаклланади. Бу 
ёшдаги болаларнинг нутқи равон, хотираси анча теран, мустақил фикрлаш даражаси бир 
қадар ривожланган бўлади. Барча ҳаракат ва фаолиятларни ўзи мустақил бажаришга 
интилади. Бу ёшда бола ниҳоятда серҳаракат, ўйинқароқ, ўта қизиқувчан бўлади. У ҳар 
қандай тадбирга бажонидил қатнашади. Шунинг учун ҳам уларни тўғри овқатлантириш, ўз 
вақтида ухлатиш, саломатлигини муҳофаза қилиш, руҳий ҳолатини назорат қилиб бориш, 
қувноқ кайфиятда бўлишини таъминлаш муҳим аҳамиятга эга. Улар билан олиб бориладиган 
машғулотларнинг мазмунини худди мана шунга йўналтириш мақсадга мувофиқдир. 
Жисмоний ривожланиш 
Болаларни жисмоний ҳаракат турлари билан таништириш, уларни фаол бўлишга ундаш 
ҳамда турли ўйин ва машқларга қизиқиш уйғотиш назарда тутилади. Машғулот вақтида 
болаларни қўл ва оёқ ҳаракатларини машққа мувофиқ равишда оёқни судрамай, бошни 
эгмай енгил юришга одатлантириш. Нарвонга тирмашиб чиқиш, тўпни панжалар ёрдамида 
ушлаб олиш шунингдек, турли усуллар ёрдамида тўп улоқтиришда бошланғич ҳолатни тўғри 
эгаллаш, велосипед учиш малакасини таркиб топтириш, турли тартибда сафланиб юра олиш, 
фазода чамалашни ўргатиш ҳамда мувозанат сақлашга ўргатиб бориш.
Эрталабки бадантарбия. Бадантарбия вақтида юриш, югуриш, сакраш қўл-оёқ 
машқларини фаол эгаллашга, гавда ҳолатини тикка тутишга эришиш. Жисмоний сифатларни 
ривожлантириш. Ўйинларни болаларнинг ўзлари мустақил равишда ташкил этишларига 
имконият яратиш. Болаларда велосипед, чанада учиш, тўп, ҳалқа ва бошқа нарсалар 
ёрдамида бажариладиган ҳаракат малакаларини такомиллаштириш. Жисмоний тарбия 
машғулотларида биргаликда дам олиш дақиқаларидаги ўйинларга эркин қўшилишларига 
одатлантириш.