Кичик гуруҳ (3-4 ёш)

Чиниқтириш ва соғломлаштириш 
Соғломлаштириш ишлари. Эрталабки бадантарбия вақтида болаларни юриш, сакраш 
ҳамда қўл ва оёқ гавдага мўлжалланган машқларни фаол бажаришга одатлантириш. 

---

48 
Сайр вақтидаги ҳаракатли ўйинлар давомида жисмоний тарбия бўйича ўрганган ўйин 
қоидаларига риоя этишга ундаш, турли гуруҳлардаги ролларни бажариш кўникмаларини 
ўстириш. Фаслга қараб велосипед ҳайдаш, роликли коньки, чана учиш, миллий курашнинг 
айрим усулларини ўрганиш. 
Ўқув йили охирида болалар гавдани тик ҳолда тутиб, эркин юриш ва югуриш, 
гимнастика деворига чиқиб тушишни ҳамда ўз ихтиёри билан ҳаракатли машқларни 
бажаришни қўллаб-қувватлаш.
Ҳар хил усулларда қўл бармоқлари, тизза ва оёқ панжалари, товон ва кафт, қорин 
кабиларда эмаклашни, турган жойда сакраш, ерга енгил тушиш, турган жойда 70 см гача 
сакраш, ерга чизилган чизиқ устидан мувозанатни сақлаган ҳолда чизиқдан чиқмай юриш, 
сафга биттадан, жуфт-жуфт бўлиб, текис сафланишни ҳамда фазода чамалашни, икки 
ғилдиракли велосипед учиш, ўнг ва чапга бурилишни билишлари керак. 
Эрталабки бадантарбия. Ҳар куни катталар назоратида бадантарбия машқларини 
хонада, дарчаларни очиб қўйган ҳолда бажариш. Очиқ ҳавода эса спорт кийимида бажариш. 
Қўл, оёқ, гавда учун машқларни аниқ ва изчиллик билан бажариш, қоматни тўғри тутиш. 
Чиниқтириш. Ҳар куни эрталаб бадантарбия машқларини бажариш, ҳар қандай об-
ҳавода ҳам ҳаракатли ўйинлар ўйнаш. Уйқуга ётишдан олдин хонани шамоллатиш. Ҳар куни 
оёқларни ювиш, секин–аста сув ҳароратини пасайтириб бориш. Хона ҳароратидаги сувда 
ҳўлланган губка ёки пахмоқ қўлқоп билан дастлаб қўлларни, кейин оёқларни, кўкракни, 
қорин ва орқани тескари йўналишда тери қизаргунча артиш. Сув ҳароратини ҳар куни 1
0 
С 
ҳароратдан пасайтириб бориш.
Қоматни тўғри тутиш. Қомат ўзгаришининг олдини олишга ёрдам берувчи жисмоний 
машқларни мунтазам равишда бажариш (“қайиқча”, “мушук”, “велосипед”, “бешик”). Стол 
атрофида ўтирганда, уйқу вақтида гавдани тўғри тутиш. Қўлни икки ёнда тутиш, бош бир 
мунча кўтарилган ҳолда олдинга қараш.