Кичик гуруҳ (3-4 ёш)

Теварак-атрофда мўлжал олиш. Болаларни қоғоз варағи сатҳида предметларнинг 
қандай жойлашганлигини (чапроқ, ўнгроқ, ўртасида, юқорироқ, пастроқ аниқлашга) 
ўргатиш. 
Дафтар сатҳини аниқлаш ва шаклларни штрихлар орқали чизишни машқ қилиш. 
Болаларга предметларни пол, қаттиқ қоғоз, дафтар варағи устига жойлашни машқ 
қилдириш. 
Теварак атрофдаги нарсаларнинг вазиятини аниқлашга доир машқлар. 
Вақтни чамалаш. Болаларни соатларнинг турлари ва уларнинг тузилиши 
(стрелкалари, цифрблати) билан таништириш. Вақтнинг энг кичик бирликлари сония ва 
дақиқа ҳақида тушунча бериш. Ярим соатгача аниқликдаги вақтни белгилашга ўргатиш. 

---

114 
Келгуси ой, сана номи билан таништириш. Кеча қандай сана бўлганлигини, эртага 
қандай сана бўлишини айтишга ўргатиш.
Ҳафта кунлари ва йил фасллари изчиллиги ҳақидаги билимларни мустаҳкамлаш, 
келгуси ойнинг номини айтишни машқ қилдириш. 
Қуриш-ясаш. Болаларга йил давомида лего жиҳозларидан лойиҳалар яратишни, 20 
қисмдан кам бўлмаган пазлларни йиғиш ва қоғозларни букиб (оригами йўли билан) шакллар 
ясашни ўргатиш. 
Қурилиш материаллари тўпламларидан турли мавзуларда лойиҳалар яратишга 
ўргатиш.
Таълимий ўйин ва машқлар. Эгаллаган билим ва кўникмалар қуйидаги ўйин 
машқлар орқали мустаҳкамланади: 
"Нима ўзгарди?", "Нечта бир хил рангли доира?", "Математик эстафета", "У ерда 
қанча қолди", "Майдаланг", "Домино", "Уддабурон саноқчига - байроқча", "Доирани 
айлантиринг", "Топинг-чи, кимнинг бўйи узун?", "Геометрик домино", "Шаклларни 
тўртта чўнтакка жойланг", "Зийрак бўлинг", "Берилган шаклни ким тезроқ туза олади?", 
"Қандай шакл ҳосил бўлади?", "Шаклни топинг", "Қайси шакл етишмайди?", "Мен нимани 
айтсам шуни бажаринг", "Қаерга бориб, нима топасиз?", "Шаклларни тўғри 
жойлаштиринг", “Тескари саноқ”, “Қаерга борасан, нимани топасан?”, “Кеча, бугун, 
эртага”, “Топган-топалоқ”, “Бутун ва қисмлар”, “Атомлар”, “Рангли доиралар ва 
оваллар”, “Ҳафта”, “Кластер”, “Мозаика”, “Байроқчага қараб юр”, “Фасллар”, “Ким 
билса давомини санасин”, “Бир хилини топ”, “Ҳа-йўқ”, “Йил фасллари”, “Топинг нечта 
ўйинчоқ?”, “Ўнгда-чапда, олдинда-орқада”, “Қўнғироқча қаерда жиринглаяпти?”, “Мен 
қандай сон ўйладим?”, “Гараж”, "Етадими?", "Кўп, оз, шунча", "Мунчоқларни ипга 
тизинг", “Шартли белгилар асосида ҳаракат қиламиз”.