• Китобсиз уй руҳсиз танага ўхшайди. • "Эртага" ҳеч қачон келмайди

• Китобсиз уй руҳсиз танага ўхшайди.
• “Эртага” ҳеч қачон келмайди.
• Яхши китобдан ортиқ ҳақиқий дўст йўқ.
• Буюкликдан телбаликкача ― бир қадам.
• Энг яхши винода ҳам заҳар бўлади.
• Жаҳлинг чиқса, эринмай юзгача сана.
• Кулсанг бутун дунё сен билан кулсин, йиғласанг ёлғиз йиғла.
• Ҳар бир одам ўз бахтининг меъмори.
• Тақиқланган мевалар ширин бўлади.
• Қисқалик ― ақлнинг қалби.
• Агар ит боқсанг, ўзинг ҳурима.
• Ит билан ётган бурга билан уйғонади.
• Букрининг устидан кулган ўзи доим тўғри юриши лозим.
• Ўйламасдан гапириш, нишонга олмай ўқ отишга ўхшайди.
• Телбалар ақллиларнинг етти йилда жавоб беролмаган саволларини бир кунда сўрайдилар.
• Шуҳрат қобилиятнинг соясидир.
• Олмос олмос билан кесилади.
• Дўзах эзгу ишлар билан ўралган.
• Иштаҳа овқат пайти келади.
• Бало ― яхши ўқитувчи.
• Фалокат камдан-кам ҳолатда бир ўзи келади.
• Моли кам одам камбағал эмас, кўп мол истовчи одам камбағал.
• Дўстлари йўқ одам энг камбағалдир.
• Камбағаллик уят эмас, ночорликдан уялиш ― уят.
• Камбағаллик гуноҳ эмас.
• Камбағал танлаб ўтирмайди.
• Умидсиз юрак ёрилиб ўларди.
• Асаларисиз асал ололмайсан, ишламасдан пул ололмайсан.
• Меҳнатсиз даромад йўқ.
• Машаққатсиз муваффақият йўқ.
• Фақат ўликларгина гуноҳ қилмайдилар.
• Бекорчиликдан ақл ўтмаслашади.
• Ёғ суртилган нонингни авайла.
• Индамас итдан ва сокин сувдан эҳтиёт бўл.
• Қуриган қудуқдан сув тортиш бефойдадир.
• Фаровонлик дўстликни пайдо қилади, қийинчилик уни синайди.
• Эҳтиёткорлик қаҳрамонликнинг энг асосий қисмидир.
• Хайр-эҳсон ўз уйингдан бошланади.
• Ҳаракат қилганга Худо ҳам ёрдам беради.
• Бойлик ― катта қулликдир.
• Соғликсиз бойлик ҳеч нарсадир.
• Бойлик учиб кетади, ҳурмат-эҳтиром қолади.
• Ҳақиқий дўстлари бор одам бойдир.
• Касаллик ― кўнгилхушликнинг бадалидир.
• Вайсақи одам ўғридан баттардир.
• Катта балиқ кичикларини еб битиради.
• Кам иш қилган кўп мақтанади.
• Катта кема чуқур денгизни талаб қилади.
• Уйланиш ― бу лотерея.
• Никоҳ осмонда ўқилади.
• Ваъда беришга эмас, уни бажаришга шошил.
• Буқа шохидан, одам тилидан тутилади.
• Катта шаҳар ― катта ёлғизлик уясидир.
• Ёпиқ оғизга пашша кирмайди.
• Соғ танда ― соғлом руҳ.
• Ҳар қонундан йўл топса бўлади.
• Кичик танада катта қалб ётади.
• Қанча тутилган бўлмасин, дунёда ҳали кўпгина яхши балиқлар бор.
• Юмшоқ буйруқда буюк куч бўлади.
• Асрлар бўйи тикланган бинони бир соатда вайрон қилиш мумкин.
• Иложсизлик пайтида қўрқоқ мардга айланиши мумкин.
• Сокин денгизда ҳамма ҳам сарбон бўла олади.
• Қоронғида ҳамма мушуклар кулранг кўринади.
• Римда ўзингни римликлар каби тут.
• Мулойим инкор қўпол розиликдан яхшидир.
• Буюк ишлар абадий туради.
• Туя ўзига шох қидириб, қулоғидан айрилибди.
• Ҳақиқий дўст барча дардларингга даводир.
• Қувноқ кайфият ― энг яхши дори.
• Шамолни тўр билан тутиб бўлмайди.
• Шароб кирса, ақл чиқади.
• Ҳаётнинг гўзаллиги ― хилма-хилликда.
• Ташқи кўриниш алдамчидир.
• Уруш ― қиролларнинг кўнгилхушлигидир.
• Уруш уни билмаган инсонларни ўзига чорлайди.
• Уруш бахтсизлик келтиради.
• Бўри терисини ташлаши мумкин, лекин феълини ташламайди.
• Бўри бўри билан ҳеч қачон урушмайди.
• Ўғри доим ўғрилигича қолади.
• Қарға қарғанинг кўзини ўймайди.
• Ҳар кун ҳам якшанба бўлавермайди.
• Табиб бемор ўлганда келади.
• Вақтлар ўзгаради.
• Вақт ― буюк табиб.
• Ҳаммасини вақт даволайди.
• Вақт ва тўлқин ҳеч кимни кутмайди.
• Вақт ва сабр тутни ипакка айлантиради.
• Вақт учади.
• Вақт мўъжизалар яратади.
• Ҳамма аёллар яхши. Лекин ёмон хотинлар қаердан пайдо бўлади?
• Ҳамма йўллар Римга олиб боради.
• Кўп хоҳласанг кўп йўқотасан.
• Ҳар нарсанинг бошланиши бор.
• Ҳамма эшаклар қулоқ силкитади.
• Кутишни билган ҳаммасига эришади.
• Ҳар яхшиликнинг охири бор.
• Хоҳиш билан қилинган иш тез битади.
• Ҳар ишнинг ўз вақти ва жойи бўлади.
• Ҳар она ғозчасини оққуш деб атайди.
• Ҳамма қуш ўз инини севади.
• Ҳамма эшак ўз ҳанграшини эшитишни хуш кўради.
• Иккинчи фикр биринчисидан яхши.
• Қаерда ифлослик бўлса, шу ерда пул ётади.
• Кўз қориндан каттадир.
• Кўз ― кўнгил ойнаси.
• Дўстнинг кўзи ― энг яхши ойна.
• Халқ овози ― Ҳақ овози.
• Энг ахмоқ қуш ― инини булғаган қушдир.
• Энг эси паст балиқ ― бир қармоққа икки марта илинганидир.
• Аҳмоқ ва эси пастлар ҳақиқатни гапирадилар.
• Ғазаб ― инсоннинг ашаддий душманидир.
• Ғазаб ― қисқа жинниликдир.
• Чириган олма қўшниларини ҳам бузади.
• Ўйламай гапириш нишонга олмай ўқ отиш кабидир.
• Ёшнинг елкасига қарининг боши жойлашмайди.
• Очлик ― энг яхши зиравордир.
• Очлик тош деворларни синдиради.
• Оч қорин эшитмайди.
• Кутилаётган чойнак ҳеч қачон қайнамайди.
• Қайноқ севги тез ёниб, тез сўнади.
• Қўполлик севгини ўлдиради.
• Қўпол сўз суякни синдирмайди.
• Олтин юкланган эшак қаср томига чиқа олади.
• Ўзинг танлаган юкни қийналмай кўтарасан.
• Пул ва кир бирга юради.
• Ҳатто Гомер ҳам бехосдан ухлаб қолиши мумкин.
• Сукут қилиб ҳам хато қилиш мумкин.
• Ҳатто Қуёшнинг ҳам доғи бор.
• Энг зўр балиқнинг ҳам уч кундан кейин ҳиди келиб қолади.
• Шакар билан ҳам ширин овқатни бузиш мумкин.
• Аҳмоққа керагича арқон берсанг, ўзини осади.
• Кўздан узоқ ― юракдан узоқ.
• Ҳадя отнинг оғзига қарама.
• Икки қорадан бир оқ пайдо бўлади.
• Икки ўлчаб, бир кес.
• Иккита калла, битта бошдан яхшидир.
• Иккита ит суяк учун урушса, учинчиси уни тортиб олиб қочади.
• Бир суяк икки итга етади.
• Эшик ёпиқ бўлиши керак ёки очиқ.
• Сўзга эмас, ишга боқ.
• Меҳнат ― ҳаётнинг тузидир.
• Пул ― яхши хизматчи, аммо ёмон хўжайиндир.
• Пул гапиради.
• Пулнинг ҳиди бўлмайди.
• Пул пулни туғади.
• Таълим учун сарфланган пул ҳеч қачон беҳудага кетмайди.
• Дарахтни ёшлигида эгса бўлади.
• Дарахтнинг қандайлиги мевасидан билинади.
• Болалар ― камбағалларнинг бойлигидир.
• Жек кўп ҳунарларни билади, лекин биронтасидан уста эмас.
• Бойлар учун бир қонун, камбағаллар учун бошқа қонун.
• Жанжал учун икки киши керак.
• Эзгу ном ― зулматда зиё.
• Эзгу қалб ― тождан қиммат.
• Бирданига икки қуён ортидан югурсанг, биттасини ҳам тутолмайсан.
• Китоблар ва дўстлар оз бўлмоғи лозим, фақат улар яхши бўлса бас.
• Қарз ― камбағалликнинг энг ёмон кўриниши.
• Яхши яшаган узоқ яшайди.
• Қийинчилик пайтидаги дўст ― энг яхши дўст.
• Дўстингнинг сенга ёрдами керак бўлмагунича унинг қандайлигини билмайсан.
• Бошқа давр ― бошқа феъл-атвор.
• Дўстлар сенинг вақтингни ўғирлайди.
• Етишмовчилик ҳақида эмас, ўзингда бори ҳақида ўйла.
• Аҳмоқ ўз пуллари билан тез бойиб кетмоқчи бўлади.
• Битта аҳмоқ қудуққа ташлаган тошни юзта доно топа олмайди.
• Нодон бир соатда берган саволларга доно етти йилда жавоб беради.
• Аҳмоқлар омадли бўлади.
• Аҳмоқ сувсиз ҳам ўсаверади.
• Телба телбалигича қолади.
• Аҳмоқлар уларга яхши пайт қачонлигини билмайдилар.
• Аҳмоқлар фаришталар киришга қўрқадиган тешикларга ҳам кириб чиқадилар.
• Ёмон хабарнинг қаноти бўлади.
• Шайтоннинг ҳамма билгани учун у ― қари.
• Шайтон уни чизганларидек қоп-қора эмас.
• Агар ҳамма нарсани икки марта қилиш имкони бўлганда ҳамма доно бўлиб кетарди.
• Агар хоҳишлар тулпор бўлганида камбағаллар ҳаммадан тепада юрардилар.
• Агар менинг холам эркак бўлганида, у менинг тоғам бўларди.
• Агар булут бўлмаганида биз Қуёшдан баҳра ололмасдик.
• Агар икки киши бир отни минмоқчи бўлса, албатта биттаси орқада ўтиради.
• Нонуштагача кулиб олсанг, кечки овқатгача йиғлайсан.
• Хоҳиш бўлса, уни бажаришга сабаб топилади.
• Уч киши билган сирни ҳамма билади.
• Мени бир марта алдашса, ёлғончи айбдор; агар икки марта алдашса, айб ўзимда.
• Эрта турсанг, ишинг тез битади.
• Рақсга тушаяпсанми, скрипкачини ҳам рози қил.
• Агар бирон иш кўнглингдагидек бажарилишини истасанг, уни ўзинг бажар.
• Гапиришнинг ҳам, сукут сақлашнинг ҳам ўз вақти бор.
• Эҳтиёж бўлса ҳам, бўлмаса ҳам чўчқа ҳурҳурлайверади.
• Кунига бир дона олма есанг, сенга табибнинг ҳожати йўқ.
• Ошқозонни яхши сўз билан тўлдириб бўлмайди.
• Тикувчининг хотини ҳаммадан ёмон кийинади.
• Цезарнинг хотини гумондор бўлмаслиги керак.
• Яша ва бошқаларни ҳам яшашга қўй.
• Яша ва ўрган.
• Ейиш учун яшама, яшаш учун е.
• Ҳаётий малака ― доноликнинг онаси.
• Ҳаёт ― сокин сувдаги сузишдек осон эмас.
• Ҳаёт фақат пиводан иборат эмас.
• Ҳаёт қисқа, вақт тез.
• Агар руҳинг тушмаса, ҳаёт ― гўзал.
• Ҳаёт майда нарсалардан иборат.
• Чиройли юзда чириган қалб ҳам яширинган бўлиши мумкин.
• Омадсизлик ортидан доим омад эргашиб юради.
• Ошпаз овқатни шўр қилса ― сўкадилар, тузи паст бўлса ― уялтирадилар.
• Пойгада ҳар доим ҳам энг тезкор от ютмайди, урушда ҳар доим ҳам энг кучли ютавермайди.
• Дўстлар орасидаги айрилиқ меҳрни мустаҳкамлайди.
• Рашк хордиқ билмайди.
• Рашк бошқаларга ўқ отиб, ўзини яралайди.
• Шайтонни гапирсанг, у пайдо бўлади.
• Хўроз қичқирмаса ҳам тонг отаверади.
• Итни урмоқчи бўлсанг, таёқ тез топилади.
• Соғлик бойликдан афзал.
• Касаллик келмагунича соғликнинг қадри бўлмайди.
• Ёмон одам атрофидагиларга қарамай оғзининг танобини кенг очади.
• Куч ― бирликда.
• Билим оғирлик қилмайди.
• Ҳамма нарсани билиш ― ҳеч нарсани билмасликдир.
• Томошабинлар ўйинчидан кўра кўпроқ нарсани кўради.
• Балиқ ҳам, давра ҳам уч кундан сўнг айнийди.
• Энг узун куннинг ҳам охири бор.
• Яхши сигирдан ҳам ёмон бузоқ туғилиши мумкин.
• Энг яхши ўқотар ҳам адашиши мумкин.
• Дарё бўйлаб юрсанг, денгизга ҳам чиқасан.
• Тошдан қон чиқариб бўлмайди.
• Кичкина учқундан катта ёнғинлар юзага келади.
• Ҳеч нарсадан ҳеч нарса чиқади.
• Ёмон матодан яхши кийим тиколмайсан.
• Икки ёмонликдан кичикроғини танла.
• Ёмонликдан қоч; ёмонлик ҳам сендан қочади.
• Ё туз, ё буз.
• Ё сузаман, ё чўкаман.
• Эҳтиёжингдан ташқарисига эга бўлсанг, кўп нарсага эгасан.
• Баъзида қийинчилик кунларингни ҳам эслаб туриш ёқимли.
• Санъат мангу, ҳаёт қисқа.
• Тарих қайтарилади.
• Билимга осон йўл йўқ.
• Исталган муаммога икки томондан келиш мумкин.
• Кутганга кутгани албатта келади.
• Ҳар бир катта йўқотиш кичик даромад билан бирга юради.
• Ҳар бир қуш ўз сайрашини эшитгиси келади.
• Ҳар бир ўқнинг ўз йўналиши бўлади.
• Ҳар бир ёстиқ ўз жойида туриши лозим.
• Ҳар бир оиланинг шкафида скелет бўлади.
• Ҳар бир ит ўз уйида ― шер.
• Ҳар бир юрак оғриқ нималигини билади.
• Ҳар бир ошпаз ўз шўрвасини мақтайди.
• Ҳар бир одам ўзи учун, Худо ― ҳамма учун.
• Ҳар бир одам ўзини юқори баҳолайди.
• Қандай овоз берсанг, шундай акс-садо эшитасан.
• Қандай эксанг, шундай ўрасан.
• Ўринни қандай солсанг, шундай ухлайсан.
• Қари хўроз қандай қичқирса, кичиклари шуни қайтаради.
• Кечқурунда қуёш соатининг нима ҳожати бор?
• Ота қандай бўлса, бола ҳам шундай бўлади.
• Ёзувчи қандай бўлса, китоб ҳам шундай бўлади.
• Ишчи қандай бўлса, иш ҳам шундай бўлади.
• Ўқитувчи қандай бўлса, ўқувчи ҳам шундай бўлади.
• Хўжайин қандай бўлса, хизматкор ҳам шундай бўлади.
• Она қандай бўлса, қизи ҳам шундай бўлади.
• Дарахт қандай бўлса, меваси ҳам шундай бўлади.
• Ота-оналар қандай бўлса, фарзандлар ҳам шундай бўлади.
• Томчи-томчи олиб, денгизни ҳам қуритишади.
• Уйга камбағаллик кирганда севги ойнадан чиқиб кетади.
• Ҳамма гапирса, ҳеч ким эшитмайди.
• Икки юнон учрашса, уруш бошланади.
• Икки тулки учрашса, шайтон тушлик қилгани кетади.
• Ҳасад қалбга кирса, ақл йўқолади.
• Қурол гапиришга тушганда тортишишнинг кераги йўқ.
• Соч оқарганда оёқ юриши ҳам сустлашади.
• Узоқ қолиб кетсанг, сени унутишади.
• Дўст сўраганда “эртага” деган сўз ўтмайди.
• Ёмғир ҳамма ерга бир хил ёғади.
• Мушук йўқ бўлса сичқонлар қувнайдилар.
• Чўнтак енгил бўлса юракка оғири тушади.
• Кемада сарбон кўп бўлса, у чўкади.
• Дўстимга қарз берганимда ҳаммаси яхши эди, қарзни қайтаришни сўраганимда бу унга ёқмади.
• Бир эшик ёпилса, бошқаси очилади.
• Байрам ― иш тугагандан сўнг.
• Кўп қўл кўп ишни бажаради.
• Айтиб бўлинган сўз энди сеники эмас.
• Ўлим келганда уни қайтаролмайсан.
• Римга борсанг римликлардай юр.
• “Қачондир” ― “ҳеч қачон” дегани.
• Мусиқа тугади ― рақс ҳам тугади.
• Сигир думини йўқотмасдан туриб унинг қадрини билмайди.
• Қиролнинг тожи бош оғриғидан сақлолмайди.
• Озроқ қарз ― мустаҳкамроқ дўстлик.
• Қўлқоп кийган мушук биронта сичқонни ҳам тутолмайди.
• Мушук қаймоқни ўғирлаётиб кўзини юмиб олади.
• Мушук тирноғини яширади.
• Феъли гўзал одам ― энг гўзал.
• Гўзаллик севганингнинг кўзида.
• Гўзаллик ўлади, яхши амал мангу қолади.
• Кийимга қараб мато ўлча.
• Каламушлар чўкаётган кемани тарк этади.
• Кўп ишни бирданига олган ундан баъзисини тугата олади, холос.
• Қўрққан яшолмайди.
• Тез еган тез ишлайди.
• Жума куни кулган шанба куни йиғлайди.
• Қўлига қилич олган қилич тиғидан ўлади.
• Бўри билан дўст бўлган увиллашни ўрганади.
• Вақтдан ютқизган ҳамма нарсадан ютқизади.
• Бутун умр фирибгарлик билан шуғулланган одам рўстгўй бўлиб ўлиши гумон.
• Ҳаммага дўст ― ҳеч кимга дўст эмас.
• Бировни ҳурмат қилмаган ўзини ҳам ҳурмат қилмайди.
• Ўликнинг оёқ кийимини кутган узоқ вақт ялангоёқ юради.
• Зулм қилган зулм кўради.
• Нохушлик қидирган уни доим топади.
• Ким тишласа, уни ҳам тишлашади.
• Ёзда ишламаган қишда оч қолади.
• Бузган тўлайди.
• Дарахтни севган унинг япроғини ҳам севади.
• Кўп гапирган кам иш қилади.
• Кўп гапирган кўп адашади.
• Кўп гапирган кўп алдайди.
• Кўп ҳуриган ит умуман тишламайди.
• Кўп ваъда берган ўзини қуруқ қошиқ билан тўйдиради.
• Чўққига биринчи бўлиб етиб борган хоҳлаган жойида ўтиради.
• Ўзини эплолмаган бировни бошқаролмайди.
• Сукут қилишни билмаган яхши гапиришни ҳам билмайди.
• Ўғирланган молдан хазар қилмайдиганнинг ўзи ҳам ўғри.
• Аччиқни тотмаган шириннинг қадрига етмайди.
• Маслаҳат эшитмайдиганга ёрдам шарт эмас.
• Хато қилмаган ҳеч нарсага эришмайди.
• Чақани асролмаган сўмни ҳам асролмайди.
• Ишламаган тишламайди.
• Бир марта тишланган икки марта қўрқади.
• Шошилган лабини куйдириб олади.
• Биринчи келганга биринчи бўлиб хизмат қилишади.
• Гуноҳ денгизида сузган изтиробга чўкади.
• Ким бир марта алдаса, ундан юз йил шубҳаланадилар.
• Ким эрта турса, унга омад ёр.
• Эрта ётиш ва эрта туриш одамни бой, соғлом ва ақлли қилади.
• Иштаҳа билан еган иштаҳа билан иш қилади.
• Икки курсига ўтирган ерга қулайди.
• Кўп ваъда берган ваъдасини бажармайди.
• Ухлаган балиқ тутолмайди.
• Сенга бировни ғийбат қилган сени ҳам биров олдида ғийбат қилади.
• Бахт вақт билмайди.
• Ҳеч нарсани хоҳламайдиган ўлиб боради.
• Шайтон билан овқатланган одамга узун қошиқ керак.
• Тухумни ўғирлаган сигирни ҳам ўғирлайди.
• Яхши яшаган узоқ яшайди.
• Ўз ишини билган ҳаммадан яхши яшайди.
• Ёнғоқ ейишни хоҳлаган уни чақиши керак.
• Тухум олишни хоҳлаган куркага чидаши керак.
• Марварид олишни хоҳлаган денгизга шўнғиши керак.
• Балиқ тутишни хоҳлаган ҳўл бўлишдан қўрқмаслиги керак.
• Мева ейишни хоҳлаган аввал дарахтга чиқиши керак.
• Кўп ўқ отган қачондир албатта нишонга теккизади.
• Япроқ эгилган томонга дарахт ҳам эгилади.
• Шарафини йўқотганга бошқа нарсани йўқотишнинг ҳожати йўқ.
• Темирни иссиғида бос.
• Ёлғончи рост гапирса ҳам ишонмайдилар.
• Ўтган ишга ақллилар кўп топилади.
• Осон келган осон кетади.
• Маслаҳат беришдан осони йўқ.
• Қуришдан кўра бузиш осонроқ.
• Бажаришдан кўра айтиш осонроқ.
• Чиқишдан кўра тушиш осонроқ.
• Дангаса қўй жунини оғир деб ўйларкан.
• Дангаса ― камбағалнинг акаси.
• Ёлғончининг хотираси кучли бўлиши керак.
• Тулки кўкариши мумкин, лекин ҳеч қачон яхши бўлмайди.
• Тулкини икки марта битта тузоқдан тутолмайсан.
• Чеҳра ― ақлнинг тажаллиси.
• Юзма-юз сўзлашганда ҳақиқат ойдинлашади.
• Ёлғон ёлғонни туғади.
• Ой итнинг ҳуришига қараб турмайди.
• Энг яхши ҳимоя ― ҳужум.
• Шернинг думи бўлгандан итнинг боши бўлган афзал.
• Ёмон даврадан кўра ёлғиз ўтирган афзал.
• Чаласавод бўлгандан умуман ўқимаган афзал.
• Умуман кўр бўлгандан бир кўз билан кўрган афзал.
• Кеч айтилган иккита сўздан вақтида айтилган бир сўз афзал.
• Зулм кўрган эзгуликнинг қадрига етади.
• Охирги бўлиб кулган ҳаммадан яхши кулади.
• Ҳақ гапни белга яширгандан юзга айтган афзал.
• Олгандан берган афзал.
• Тушириб юборадиган отни мингандан эшакда юрган афзал.
• Қарз билан уйғонгандан овқатланмай ухлаган афзал.
• Катта ачинишдан кичиккина ёрдам афзал.
• Ёндирадиган катта оловдан иситадиган кичик олов афзал.
• Тилдан тутилгандан оёқдан тутилган афзал.
• Битта ёмон бута ташландиқ даладан афзал.
• Қўлдаги битта қуш шохдаги иккита қушдан афзал.
• Ҳечдан кўра кеч афзал.
• Ҳаётни бой бергандан оёқни бой берган афзал.
• Кемани йўқотгандан лангарни йўқотган афзал.
• Бир шиллинг ҳадя қилиш ярим крона қарз беришдан афзал.
• Бой бўлиб туғилгандан омадли бўлиб туғилган афзал.
• Шарафли ўлим уятли ҳаётдан афзал.
• Йўлни сўраб олган йўлдан адашгандан афзал.
• Доимий ваъда бергандан бир марта рад этган афзал.
• Яримта нон йўқчиликдан афзал.
• Бошидаги кулгудан охиридаги табассум афзал.
• Тиззада яшагандан тикка туриб ўлган афзал.
• Бир томоннинг катта ғалабасидан кичкинагина тинчлик афзал.
• Писмиқ дўстдан очиқ душман афзал.
• Эртанги товуқдан бугунги тухум афзал.
• Севги ва йўтални яшириб бўлмайди.
• Севгини ҳеч қандай гиёҳ билан даволаб бўлмайди.
• Мени қаттиқ, лекин узоқ сев.
• Мени севсанг итимни ҳам сев.
• Севги ҳамма нарсани мағлуб қилади.
• Севги йўлини топиб олади.
• Севги қафасда ҳам, саройда ҳам яшайди.
• Севги ёш танламайди.
• Севгини бозордан сотиб олиб бўлмайди.
• Севги ― ўлимдан кучли.
• Севгининг кўзи кўр.
• Севги юракни юмшатади.
• Қизиқувчанлик мушукни ўлдирди.
• Одамлар учрашиши мумкин, лекин тоғлар учрашмайди.
• Одамлар кўпинча ўзларига ёқмайдиган нарсаларга ишонмайдилар.
• Одамлар ўз ишларига келганда кўрдирлар.
• Кичкина тешик катта кемани чўктиради.
• Кичкина каптарлар катта хабарларни элтишга қодир.
• Кичкина боланинг ғами ҳам кичик, каттасиники ― катта.
• Кичкина ип билан кичик қушни боғлаш мумкин.
• Оз-оз йиғилиб, кисса ҳам тўлади.
• Кичкина болта катта дарахтни йўқотади.
• Она ўз севгиси билан баъзида болани бузиши мумкин.
• Асал эшак учун эмас.
• Аста-секин ишла, лекин тўғри ишла.
• Секин ва аниқ ҳаракат билан пойгада енгиш мумкин.
• Тили асал, юраги заҳар.
• Ваъда ва унинг бажарлиши орасида бир қиз униб-ўсиб, турмушга чиқади.
• Кичкина ўғриларни осадилар, катталарини қутқарадилар.
• Кам гапирсанг ақлли бўласан.
• Озроқ қадам ― катта тезлик.
• Ўлик шернинг соқолидан қуёнлар ҳам тортиши мумкин.
• Дунё кўпчиликдан тузилган.
• Фикрлар хилма-хил бўлади.
• Кўпгина гўзал идишлар бўш туради.
• Ўзлари кесиб ташламоқчи бўлган қўлни ўпадилар.
• Кўп ― демак ёмон.
• Кўприк остидан қанча сувлар ўтиб кетди.
• Ҳеч нарсадан кўпгина шовқин.
• Тилини тиши билан ушлай оладиган одам энг кучлидир.
• Леопард доғини йўқота оладими?
• Мени ака десанг майли, лекин ҳақиқий ака бўла кўрма.
• Отни суғоришга олиб боришинг мумкин, лекин уни ичишга мажбур қилолмайсан.
• Менинг уйим ― менинг қўрғоним.
• Индамас ит хавфли бўлади.
• Индамас нодонни доно деб ўйлайдилар.
• Сукут ― олтин.
• Сукут ― розилик аломати
• Охири яхшилик билан тугаган ишгина эзгудир.
• Донолик ҳаёт тажрибасидан келиб чиқади.
• Эркакнинг ёши ― ўзи ҳис қилганича, аёлнинг ёши ― кўринишида.
• Эркаклар уйни барпо қилади, аёллар ― ўчоқни.
• Мусиқа бўлмаса рақс ҳам бўлмайди.
• Биз ўзимиз хоҳлаган нарсаларга ишонамиз.
• Биз ҳаммамиз фикр қулларимиз.
• Йўқотмасдан олдин яхшининг қадрига етмаймиз.
• Қудуқ қуримасидан сувнинг қадри билинмайди.
• Биттагина ини бўлган сичқонни тутиш осон.
• Мушуклар йўқ жойда сичқон ҳоким.
• Ширин жавоб жаҳлни совутади.
• Юмшоқлик ва қисқалик ― ожизлик эмас.
• Оқ отнинг доғлари тез билинади.
• Ёмонликка яхшилик билан жавоб бер.
• Ҳар бир “нима учун”га “чунки” бор.
• Оралиқ масофадан яхшироқ севасан.
• Ўз қайиғингда ўзинг эшкак эш.
• Ўз вақтида маслаҳатни яхши эшитмайдилар.
• Умид ― камбағалнинг нони.
• Умид ― яхши нонушта, лекин ёмон тушлик.
• Умид чўкмайди.
• Яхшиликка умид қил, лекин ёмонликка ҳам тайёр тур.
• Нарсаларни ўз номи билан ата.
• Бахт топиш осон, уни сақлаб қолиш қийин.
• Бўйсунишни ўргансанг, бошқаришни ҳам ўрганасан.
• Қовоғи солинган дўст кулган душмандан афзал.
• Бир ишни бошлашган аввал унинг охирини режалаштир.
• Ётган одамни урма.
• Қарз ҳам олма, қарз ҳам бера, шунда тинч яшайсан.
• Капалакни ўлдириш учун қурол ишлатма.
• Марваридни чўчқанинг олдига отма.
• Бир қонун бойлар учун, бошқаси камбағаллар учун.
• Эрталабки бир соат кечқурунги икки соат билан баробар.
• Ёлғиз одам ― деярли ҳеч ким.
• Ҳаммага ишониш ҳеч кимга ишонмасликдир.
• Ёлғиз қўй бўрига ем бўлади.
• Бир дард бошқасини белида кўтариб юради.
• Бир томчи заҳар бир бочка винони заҳарлайди.
• Бир қалдирғоч билан баҳор келиб қолмайди.
• Ёлғон ёлғонни ташийди.
• Юзта кучли қўлдан битта ақлли бош афзал.
• Бир ҳалқа узилса, занжир ишдан чиқади.
• Бугунги бир, эртанги иккидан афзал.
• Тинч сув ва индамас итдан қўрқ.
• Кеч қолиш ― минг хил ноқулайликларнинг отаси.
• Тажриба ― энг яхши муаллим.
• Эшакка олтин юкланган бўлса ҳам у эшаклигича қолади.
• Эҳтиёткорлик ― жасурликнинг энг яхши қисми.
• Биринчи бўлиб тош отма.
• Ухлаётган шерни уйғотма.
• Ухлаётган итни уйғотма.
• Ўзингни сичқондек тутма; мушук еб кетади.
• Катта йўқотишда ҳам оз бўлса-да фойда бўлади.
• Тутунсиз олов бўлмайди.
• Бир кўришдаёқ севиб қолма.
• Ярқираётган ҳамма нарса ҳам тилло эмас.
• Черковга бораётган ҳамма ҳам гуноҳсиз эмас.
• Ит ҳуриган ҳамма ҳам ўғри эмас.
• Ҳамма нон ҳам бир тандирдан эмас.
• Биринчи бўлиш ҳаммага эмас.
• Раҳбар бўлиш ҳаммага эмас.
• Эшитганингнинг ярмига ишон, ҳар кўрган нарсангга ишонаверма.
• Рақсга тушаётган ҳамма ҳам бахтли эмас.
• Тоза сув топмагунингча кир сувни ичма.
• Ҳали балиқни тутмасдан соусни тайёрлама.
• Тутилмаган балиқни қовурма.
• Савол берма ― ёлғон эшитмайсан.
• Қуёшни кўриш учун чироқ ёқма.
• Олов билан ўйнашма.
• Ҳар кун ҳам якшанба эмас.
• Ҳамма тухумни бир саватга солма.
• Чиройли костюм кийган йигит жентлмен бўлиб қолмайди.
• Ўрмондан чиқмасдан “ура!” дема.
• Тишлашни билмасанг тишингни кўрсатма.
• Оқимга қарши сузма.
• Шайтон эшик қоққанда уни оча кўрма.
• Кўприкка етмасдан туриб, ундан ўтишга уринма.
• Ҳозир ишинг юришмаса, кейин албатта юришади.
• Тулкини ғозларни қўриқлашга қўйма.
• Қидирмасанг ― топмайсан.
• Бўрини қўйларга қоровул қилма.
• Мушукни қаймоққа жўнатма.
• Айиқни тутмай туриб унинг терисини сотма.
• Олдинга юрмаслик ― орқага кетишлик.
• Осилган одамнинг уйида арқон сўзини тилингга олма.
• Ҳеч ким ажабланмайдиган нарсани исбот этишга уринма.
• Таваккал қилмасанг ― ютмайсан.
• Баланд отга ўтирма.
• Сичқондан қутулиш учун уйингни ёқма.
• Ҳадя қилинган отнинг оғзига қарама.
• Қўшиқ айтмасанг ― овқатланмайсан.
• Аравани отнинг олдига қўйма.
• Одамлар олдида кир кийимингни ювма.
• Китобнинг муқовасига қараб баҳо берма.
• Одамлар ва нарсаларга биринчи таассуротдан баҳо берма.
• Бировнинг айбларини ковлама, сеникини ҳам ковламайдилар.
• Одам фақат нон билангина яшамайди.
• Ваъда беришга шошилма, агар ваъда берган бўлсанг, уни бажаришга шошил.
• Дўст танлашда шошилма.
• Моли кам камбағал эмас, кўп хоҳлайдиган ― камбағал.
• Балиққа сузишни ўргатма.
• Душманнинг ўлигини кўрмагунингча мақтанма.
• Дўстингдан айрилишни хоҳламасанг, у билан ҳазиллашма.
• Кичкина тешик катта кемани чўктириши мумкин.
• Қисқичбақани тўғри юришга мажбур қилолмайсан.
• Тухумни синдирмасдан қуймоқ тайёрлолмайсан.
• Иккита нарсага бирданига сиғинолмайсан.
• Овқат пайтидаги дўстлик узоққа чўзилмайди.
• Одамнинг камчилиги пешонасига ёзиб қўйилмаган.
• Муҳаббат кам жойда камчиликлар кўп.
• Кўп одамлар дарахтлар сабаб ўрмонни кўролмайдилар.
• Икки жойда бирданига бўлиш мумкин эмас.
• Кечаги кунни қайтариб бўлмайди.
• Соатни орқага қайтариб бўлмайди.
• Дарахтга пўстлоғига қараб баҳо берма.
• Ҳасаднинг севгига ўхшаб кўзи кўр.
• Тунд ҳаво очиқ ҳаво билан алмашади.
• Эҳтиёткорлик ― қобилиятнинг онаси.
• Айтилмаган меҳмон ўзи билан курсисини олиб келсин.
• Чақирилмаган меҳмондан хурсанд бўладилар ― у кетганда.
• Бахтсизлик ― буюк муаллим.
• Бахтсизлик бир ўзи келмайди.
• Бахтсизлик бизга бахт нималигини ўргатади.
• Бахтсизлик энг бахтиёр оилаларга ташриф буюради.
• Эшитишни хоҳламайдиган одам ― энг кар.
• Кўришни хоҳламайдиган одам ― энг кўр.
• Ўз уйингдан ортиқ яхши жой йўқ.
• Эски дўстлар ва эски винодан ортиқ яхши нарса йўқ.
• Сукутдан ортиқ ақлли нарса йўқ.
• Мустасносиз қоида йўқ.
• Тикансиз атиргул йўқ.
• Тўкилган сут учун йиғлашдан не фойда?
• Омадсизлик муваффақиятга эришишни ўргатади.
• Сен қачондир сув ичган булоққа ахлат ташлама.
• “Деярли” сўзини айтиш ҳеч қачон зарарли эмас.
• Душманингга ҳеч қачон оёғинг оғриётганини айтма.
• Ҳеч қачон “умр тугади” дема.
• Бугун битириш мумкин бўлган ишни ҳеч қачон эртага сурма.
• Ҳеч қачон балиққа сузишни ўргатишингни таклиф қилма.
• Ҳеч қачон инсоннинг юзига қараб баҳо берма.
• Эришмаган пулингни ишлатишга шошилма.
• Ҳар қандай ишни ҳеч қачон ярмигача бажарма.
• Ҳеч ким хатодан холи эмас.
• Ҳеч ким доно ёки олим бўлиб туғилмаган.
• Ҳеч ким бир кундаёқ уста бўлган эмас.
• Ип заиф жойидан узилади.
• Сўраб ҳеч нарсани йўқотмайсан.
• Мулойимликдан арзон нарса йўқ.
• Янги хўжайин ― янги тартиблар.
• Эски кийим кий, лекин янги китоб сотиб ол.
• Эҳтиёж ― меҳнатсеварлик онаси.
• Эҳтиёж қарияни ҳам югуришга мажбур қилади.
• Ўлганлар ҳақида фақат яхши гапларни гапир.
• Юрак истаганини тил гапиради.
• Кам ваъда қилиб, кўп бажар.
• Секин ваъда қилиб, тезда бажар.
• Куйган бола ўтдан қўрқади.
• Очкўзлик орқали қиличдан кўра кўп одам ўлди.
• Битта жинни ҳаммани жинни қилади.

Давронбек Тожиалиев таржимаси.