Кичик гуруҳ (3-4 ёш)

Бадиий қўл меҳнати.
Қоғоз ва картина билан ишлаш. Ажойиб ва ғаройиб ўйинчоқлар ясаш, болаларга қоғоз 
варағини турли усулда букишни (тўғрибурчак, квадрат, турли йўналишда айлана шаклда 
(дўппи), турли фактурадаги қоғозлардан фойдаланишни ўргатиш.
Рангли қоғоз варағи бўлакларидан нарса ясаш (хатчўп, гиламча).
Оригами техникаси билан ўйинчоқ ясашга ўргатиш.
Мато билан ишлаш. Болаларни турли фактурадаги матолардан фойдаланиб, аппликация 
ишларини амалга оширишга ўргатиш (капалак учун ипак мато, рангли, ёғли мелкда контур 
чизиш ва сюжетга мос қилиб қирқиш). 
Табиий материаллар билан ишлаш. Табиий материаллар (ёнғоқ, бутоқ, мева, гуллар, 
уруғлар ва данак пўстлоқлари) дан нарсалар ясаб, уларни мустақил излаб топилган, ягона 
композицияга бирлаштириш (“Эртак қаҳрамонлари”). 
Иш жараёнида болаларда фантазия ва ижодкорликни тарбиялаш. 

---

125 
 
Ўқув йили охирида бола: 
- индивидуал ва жамоавий расмлар чизиш, атроф борлиқ, ҳаёт ва бадиий асар 
воқеа-ҳодисалари асосида предметли ва сюжетли расм чизиш; 
- расм чизишни хомаки режа тузишдан бошлаш, яъни расмнинг айрим 
штрихларини қора қаламда очроқ қилиб чизиб олиш; 
- расмда турли тасвирий материаллар ва тасвирий технологияларни қўллаш; 
- ўйинчоқ ва болалар ҳаётида фаол қўлланиладиган нарсаларнинг тасвирий 
силуэтларига халқ амалий безак санъати асосида нақшлар чизиш; 
- қисмлар уйғунлиги, ҳолат шакли ва фигура ҳаракатини назарда тутган ҳолда, 
турли нарсалар ясаш, икки-уч ва ундан ортиқ тасвирлар асосида сюжетли
композиция яратиш; 
- ёпиштириш ва рельеф усулларини қўллаб, безакли композиция ясаш; 
- ўзбек амалий безак санъати асосида ясаган нарсасини нақшлар билан безаш; 
- тасвирни композиция жиҳатидан тўғри жойлаштириш, турли предметлардан 
тасвир ҳосил қилиш, унга халқ амалий безак санъати асосида ҳайвон ва 
қушларнинг тасвирларини киритиш, ишда турли фактурадаги қоғозлардан 
фойдаланиш; 
- улардан фойдаланиш мумкинлигини назарда тутган ҳолда, турли нарсалар 
конструкциясини ясаш; 
- нарсанинг конструкциясини кўра билиш ва амалий вазифаларини назарда тутган 
ҳолда уни таҳлил эта олиш; 
- расм ёки сўз билан берилган кўрсатма асосида ёғоч ёки пластмасса 
конструкторлар моделларини яратиш; 
- ўйинчоқлар ясаш учун қоғозга шаблонга кўра белгилар қўйиб чиқиш; 
- катта ҳажмдаги ўйинчоқлар ясаш.