Кичик гуруҳ (3-4 ёш)

Асосий ҳаракат машқлари.
Юриш. Оёқ учида тиззаларни баланд кўтариб юриш, товонда, оёқ кафтларининг ён 
томони билан юриш, турли буюмлар оралаб ён томонга юриш. Ҳаракат тезлиги ва 
йўналишларини ўзгартириб сафда юриш. 
Югуриш. Оёқ учида, тиззаларини баланд кўтариб катта қадамлар билан югуриш, сафда 
жуфт бўлиб турли йўналишда доира бўлиб, қўлини ушлаб, илон изи бўлиб, югуриш ҳамда 
югуришни юриш билан алмаштириш, тўхтовсиз 1,5 дақиқагача югуришга, 30 метрга тез, 40-
60 метргача ўртача тезликда югуришга, 200-240 метр масофага секин тезликда югуришга 
ўргатиш мақсадга мувофиқдир. 
Сакраш. Турган жойида икки оёқлаб айланиб сакраш, қўлларни юқорига кўтариб 
сакраш, олдинга қараб юриш вақтида сакраш, бир оёқлаб турган жойида ва юрган ҳолда 
сакраш. Тўсиқлардан сакраб ўтиш, 70 см узунликка 20-30 см баландликдан сакраб ўтиш, 
арқон билан сакрашга уриниш, думалатиш, улоқтириш, илиб олиш. Айлана орасидан тўпни 
думалатиш, коптокни юқорига отиб ва ерга уриб илиб олиш. 
Эмаклаш ва тирмашиш. Камида 10 м масофани эмаклаб ўтиш, турли баландликдаги 
буюмлар остидан эмаклаб ўтиш. Гимнастика курсисида қўлларга таянган ҳолда, қорин билан 
судралиш. Тўрт оёқлаб юриш, гимнастика деворига ўнгдан чапга ўтиб тирмашиб чиқиш; 20-
30 см баландликда тортилган арқон тагидан, халқа орасидан эмаклаб ўтиш. 
Ирғитиш. Тўпни бир-бирига ирғитиб, деворга ерга уриб илиб олишга, навбатма-навбат 
ўнг ва чап қўл билан тўпни уришга, оғирлиги 0,5 кг бўлган оддий ва ҳаво тўпларини ерда 
думалатиб, улоқтиришга ўргатиш. 

---

47 
Велосипед ҳайдаш. 3 ғилдиракли велосипедда ўнгга ва чапга бурилиб, доира бўйлаб, 
ерга қўйилган буюмларни четлаб ўтиб ҳайдаш ва буйруқ бўйича тўхташга ўргатиш.
Мувозанат сақлаш. Бунда чизиқ бўйлаб мувозанат сақлаб юриш, бирор нарсани 
кафтга, бош устида қўйган ҳолда юриш, гимнастика ўриндиқсида бир-бири билан алмашиб 
ўтиш, тахта устида оёқ учида юриш, югуриб келгандан сўнг ўриндиғида мувозанат сақлаб 
туриш, бир оёқни букиб, иккинчисида туриш ҳамда иккала томонга айланиш, қўллар белда, 
ён томонларда кўзни юмиб юриш кабилар назарда тутилди.