Кичик бизнес ва ҳусусий тадбиркорлик фаолиятини бошқариш психологияси

Тадбиркор раҳбар ташкилотчилиги - меҳнат жамоасини уюштириш, жипслаштириш, ишлаб чиқариш ва тарбиявий жараёнларга тҳсир кўрсатиш, гурух фаолиятини олий мақсадларга қарата олиш қобиляти каби масалаларни қамраб олади. Тадбиркор раҳбар жамоани моддий ва маҳнавий неҳматлар ишлаб чиқаришига раҳнамолик қилар экан, шуни унутмаслик керакки, одамлар бир-бирлари билан ўзаро муносабатда, бир-бирларига ҳар жиҳатдан мухтож, шахсий эҳтиёж ва мақсадларга эгадирлар. Шу боис ҳар қандай тадбиркор-рахбар энг аввало инсоний қадриятларга диққат-эҳтиборини қаратмоғи лозим бўлади.
Ғарб олимларидан Роберт Рюкерт (Роберт Реукерт) ва Орбула Ёкеп (Орвилл Wалкер) ҳамкорликнинг қуйидаги принципларини таклиф қиладилар: ¹

• 
  Мавжуд ташкилий структура ва жараёнлар ресурсларни бир бўлимдан иккинчи бўлимга ўтишини таъминласа, ҳамкорлик самарали бўлади.
  
• 
  Ҳамкорлик, турли функсионал бўлимларнинг фаолиятини мувофиқлаштирувчи механизм бўлиб, конфликтларни горизонтал босқичда ечиш қоидаси ва амалиётини ўзида мужассамлаштиради. Лекин, доимий равишда конфликтларни вужудга келиши ва уни ечиш фаолият самарасини пасайтиради.
  

Тадбиркорнинг ўз хизматчилари билан муносабатни мустахкамлашда қуйидагилар катта аҳамиятга эга:

• 
  муаммоли ишга тааллуқли масалалар мухокама қилинадиган сухбат ва учрашувларни мунтазам ўтказиб туриш;
  
• 
  ишчи ва хизматчиларнинг фирма ишини муҳим масалаларини мухокама қилиш ва ечишга кенгроқ жалб қилиш;
  
• 
  фирма бўлинмаларининг бошлиқлари билан мунтазам равишда мулоқот лозим.
  

Мижозлар билан муносабатлар. Кичик бизнесда мижозлар билан муносабатга муҳим аҳамият бериш лозим.
Кичик бизнес мижоз сифатида, даллоллик идораси, биржа, тайёрлов ташкилоти қайта ишловчи корхона, шунингдек маҳсулотларнинг доимий буюртмаси ёки ҳаридори бўлган айрим шахслар гавдаланиши мумкин. Мижоз ким бўлишидан катҳий назар: ташкилотми, корхонами, фирмами ёки якка шахсми - аввало тадбиркор олдида ўз муаммолари билан мурожаат қилаётган инсон эканлигини эсда тўтиши лозимдир.