Кичик бизнес ва ҳусусий тадбиркорлик фаолиятида бизнес-режа

Aim.uz

Кичик бизнес ва ҳусусий тадбиркорлик фаолиятида бизнес-режа

2.1.Бизнес- режанинг моҳияти, мазмуни ва тузиш зарурияти.

2.2.Тадбиркорликда бизнес- режа ва унинг таркиби.
2. 3.Тадбиркорликда бизнес- режани тузиш тартиби.
1.Бизнес- режанинг моҳияти, мазмуни ва тузиш зарурияти.

Тадбиркорлик фаолиятини режалаштириш бизнес-режа ишлаб чиқиш жа-раёнидан иборат бўлади. Бизнес- режа фаолиятнинг барча турдаги режаларини - стратегик ва оператив режалар, умумий, хусусий ва алоҳида режалар, қисқа, ўрта ва узоқ муддатли режаларни ўз ичига оладиган режалар мажмуйидир.

Бизне-режа тадбиркорлик субъектининг ўсиб бориш истиқболларини таъминлаш, бозордаги мавқейини кўтариш, янги маҳсулотни ўзлаштириш ва ишлаб чиқариш, юксак натижаларга эришиш йўлларини аниқлаш ва танлашга хизмат қилади. У тадбиркорга қуйидаги масалалардаёрдам беради:

• 
  тадбиркорлик фаолиятининг аниқ йўналиши ва турлари, мақсадли бозори ва уерда ўрнини аниқлаш;
  
• 
  қисқа ва узоқ муддатли мақсадларини белгилаш ҳамда уларни рўёбга чиқариш стратегияси ва тактикасини ишлаб чиқиш;
  
• 
  мўлжалланган мақсад ва вазифаларни амалга оширадиган ходимлар, уларнинг салоҳияти ва тақдирлаш тартибини аниқлаш;
  
• 
  ишлаб чиқариладиган товар (яратиладиган хизмат) турларини танлаш ҳамда таклиф таркибини белгилаш;
  
• 
  ишлаб чиқариш ва сотиш ҳаражатларини аниқлаш;
  
• 
  талаб ва бозорни ўрганиш, реклама ва тақдимотлар ўтказиш, маҳсулот сотишни ташкил қилиш чора-тадбирларини белгилаш;
  
• 
  мақсадга эришиш учун керакли моддий-молиявий ресурсларни
  
• 
  баҳолаш;
  
• 
  учраши мумкин бўлган хавф-хатарларни олдиндан аниқлаш ва уларга тайёр бўлиш;
  
• 
  ўз ишининг боришини назорат қилиб бориш.
  

Тадбиркор бизнес- режадан кўпроқ бозордаги вазиятни баҳолаш ва унга мос стратегияни аниқлаш, инвесторларни топиш ва жалб этиш учун фойдаланади. Шунинг учун сифатли тузилган бизнес-режа тадбир­корлик фаолиятининг самарадорлигини таъминловчи восита ҳисобланади. Бизнес-режанинг муайян вақт мобайнида амал қилиши ва бажарилиши инвесторлар ва бошқа ҳамкорлар учун жуда муҳимдир. Бизне-режа тадбиркорнинг бизнес мақсадларини белгилаш ва шу йўналишда ривожланишини барқарорлаштиришга ёрдам беради. У бизнесни бутун цикли давомида йўналтириб туради, таҳлил қилиб бориш ва керакли ўзгартиришлар киритиб бориш учун асосий восита бўлиб хизмат қилади.