Keling birga o‘ynaymiz

“AYIQ QARAG’AYZORDA” O‘YINI 

Maqsad: 

Bolalarni jismonan  chiniqtiradi, sergak bo‘lishga  chorlaydi. 

Kerakli  jixozlar: 

Ayiq  ini  uchun  doira    chiziq,    bolalarning    uylari    uchun  

to‘rtburchak  chiziqlar. 

O‘yinning  borishi:

  Maydonchaning  bir  tomoniga  doira  chizib  ayiq  ini 

yasaladi. Uning ikkinchi tomonidan bolalar o‘ynaydigan uychalar bo‘ladi. Bolalar 

uychalaridan  chiqib  ayiq  ini  tomon  borayotib  quyidagi  so‘zlarni  aytadilar:  «Biz 

ayiqning  uyidan  qo‘ziqorin,  asal,  mevalar  olamiz».  Ayiq  ularga  qarab  o‘kiradi  va 

inidan  yugurib  chiqib,  bolalarni  tuta  boshlaydi.  Bolalar  esa  o‘z  uychalariga  kirib 

olishga  harakat  qiladilar.  Ushlangan  bolalarni  o‘z  inining  oldiga  olib    borib 

qo‘yadi. Ularning soni 4-5 taga etkandan so‘ng boshqa ayiq (onaboshi) saylanadi. 

Qo‘lga  tushgan  bolalar  ayiqning  ini  oldida  yangi  ayiq  –  onaboshi  saylanguncha 

turishi shart.