Кўчмас мулк ва мулк ҳУҚУҚи амалий қўлланма

Жавоб

---

81
бу битимни суд тартибида ҳақиқий эмас деб топишни талаб қилишга 
ҳақлидир.
Сиз маълум қилган ҳолатга кўра битимнинг тузилганига икки йил 
бўлган. 
Фуқаролик кодекси қоидаларига кўра, даъво муддатининг ўтиши арз 
қилинган талабни рад қилишга асос бўлади. 
Агарда судга ушбу битимни ҳақиқий эмас деб топиш юзасидан ариза 
берилган тақдирда, Сиз даъво муддатини қўллашни сўрашингиз лозим.
Уй-жойни тасарруф қилишга оид шартномани нотариал расмийлашти-
ришда қонун талабларидан келиб чиққан ҳолда эр (хотин)нинг умумий 
биргаликдаги мулки бўлган уй, квартира, уйнинг ёки квартиранинг бир қисмини 
бошқа шахсга ўтказиш бўйича битим тузиш учун хотин (эр)нинг нотариус ёки 
консуллик муассасалари консуллари томонидан шаҳодатлантирилган ёзма 
розилиги олинади.
Ўзбекистон Республикаси Адлия вазирининг 2010 йил 30 мартдаги 
64-мҳ-сон буйруғи билан тасдиқланган “Нотариуслар томонидан нотариал 
ҳаракатларни амалга ошириш тартиби тўғрисида”ги Йўриқнома 59-бандининг 
1-қисмига кўра уй, квартира, уйнинг ёки квартиранинг бир қисмини бошқа 
шахсга ўтказаётган фуқаро эри ёки хотини йўқлиги (бева эканлиги ёки бўйдоқ) 
ҳақида ёзма ариза тақдим этганда, нотариус битимнинг иккинчи тарафини бу 
ҳақда таништиради. У эса бу ҳол унга маълум эканлигини тасдиқлаб, аризага 
фамилияси, исми, отасининг исмини тўлиқ ёзиб, имзо қўяди. Ушбу ҳолатни 
аниқлаш учун нотариусга фуқаронинг паспорти ёки шахсини тасдиқловчи 
бошқа ҳужжатлари, никоҳдан ажралганлик ҳақидаги гувоҳнома ёки ўлим 
ҳақидаги гувоҳнома ва никоҳ тузилганлиги ҳақидаги гувоҳнома ёхуд булар 
ҳақидаги далолатнома ёзувларидан кўчирмалар асос бўлади. Ушбу ариза уй, 
квартира, уйнинг ёки квартиранинг бир қисмини бошқа шахсга ўтказаётган 
фуқаронинг шахсан ўзи томонидан берилади, битим вакил орқали тузилган 
тақдирда эса у томонидан ишончнома берувчининг эри ёки хотини йўқлигини 
тасдиқловчи ҳужжатлар тақдим этилган ҳолда вакилдан бундай ариза олинади.