Кўчмас мулк ва мулк ҳУҚУҚи амалий қўлланма

---

КЎЧМАС МУЛК
ВА МУЛК ҲУҚУҚИ
Амалий қўлланма
Baktria press
Тошкент - 2017

---

Қўлланма Ўзбекистон Республикаси Олий суди раиси
К.Камиловнинг умумий раҳбарлигида тайёрланди.
Ўзбекистон Республикаси Конституциясининг 53-моддасига кўра бозор муносабатларини ри-
вожлантиришга қаратилган Ўзбекистон иқтисодиётининг негизини хилма-хил шакллардаги мулк 
ташкил этади. Давлат истеъмолчиларнинг ҳуқуқи устунлигини ҳисобга олиб, иқтисодий фаолият, 
тадбиркорлик ва меҳнат қилиш эркинлигини, барча мулк шаклларининг тенг ҳуқуқлилигини ва 
ҳуқуқий жиҳатдан баб-баравар муҳофаза этилишини кафолатлайди.
Шахсларнинг Конституцияда белгиланган ҳуқуқларини ҳимоя қилишни сўраб судларга қила-
ётган мурожаатлари орасида мулкий низолар муайян қисмни ташкил этади. Айниқса кўчмас мулк 
билан боғлиқ низоларни кўриб чиқишга оид суд амалиётидан маълум бўлишича, бундай низо-
ларнинг вужудга келишига асосан, тарафлар амалдаги қонун ҳужжатларининг мазмун-моҳиятини, 
ўзларининг ҳуқуқ ва мажбуриятларини етарли даражада билмасликлари сабаб бўлмоқда. 
Шу муносабат билан мазкур қўлланмада мулк ва мулк-ҳуқуқи тушунчалари, мулк билан боғ-
лиқ шартномавий муносабатлар, мулкий ҳуқуқларни ҳимоя қилишга оид муҳим тартиб-қоидалар, 
назарий ва амалий тавсиялар, суд амалиётида кўп учраётган мисоллар, уларга тушунтиришлар 
оддий тилда баён қилиниб, мулкий ҳуқуқларни руёбга чиқариш учун зарур бўлган ҳужжатлардан 
намуналар берилди.
Қўлланма судьялар, суд ходимлари, адвокатлар, ҳуқуқшунос соҳасидаги бошқа мутахассислар, 
талабалар ва мулк ҳуқуқига қизиқувчи кенг китобхонлар оммасига мўлжалланган.
МУАЛЛИФЛАР:
Холмўмин ЁДГОРОВ
Ўзбекистон Республикаси Олий суди раисининг ўринбосари –
фуқаролик ишлари бўйича судлов ҳайъатининг раиси