Кўчмас мулк ва мулк ҳУҚУҚи амалий қўлланма

КЎЧМАС МУЛК ВА МУЛК ҲУҚУҚИ
8
ҳужжатларида мулк ва мулкдорлар ҳуқуқини ҳимоя қилиш борасида қандай 
ҳуқуқий кафолатлар мавжудлиги, кўчмас мулк ва шартномавий ҳуқуққа оид низо 
келиб чиққан тақдирда судга қандай тартибда мурожаат қилиш мумкинлиги, 
ўз ҳуқуқларини ҳимоя қилишда нималарга эътибор бериш кераклиги, мулкий 
тусдаги битимларни ҳақиқий эмас деб топиш асослари, виндикацион ва 
негатор даъволарнинг тушунчалари ва уларнинг ўзаро фарқли жиҳатлари 
тўғрисидаги қоидалар, соҳа мутахассисларининг назарий ва амалий фикр- 
мулоҳазалари, шарҳлари, изоҳлари баён қилинган.
Ҳар бир масалалар ёритилаётганда китобхонларга қулай ва тушунарли 
бўлиши учун турли жадваллар, схемалар, диаграммалар, графикалардан 
фойдаланилган, суд амалиётидан мисоллар оддий тарзда берилган, мулкни 
эгаллаш ва уни тасарруф этишга оид шартномалар, судга мурожаат қилишда 
расмийлаштириладиган даъво аризалари, бошқа хил ҳужжатларнинг 
намуналари келтирилган.
Мулкий муносабатларни тартибга солувчи қонун ҳужжатларининг мазмун-
моҳиятини чуқур англай билиш ва амалиётда уларни тўғри татбиқ қила олиш 
алоҳида ҳуқуқий билим, кўникма ва тажрибани талаб қилади. Қўлингиздаги 
қўлланмани тайёрлашда асосий эътибор унинг содда ва равон тилда
бўлишини таъминлашга, қонун талабларини оддий фуқаролар учун тушунарли 
тарзда шарҳлашга қаратилди.
Ҳурматли китобхон! Мазкур қўлланма фуқаролар, ташкилотлар ва давлат 
органларининг вакиллари, шу жумладан, судьялар ва суд ходимларининг 
мулкий муносабатларга оид амалдаги қонунчиликни пухта ўзлаштириш, ҳар 
қандай мол-мулк, айниқса кўчмас мулк билан боғлиқ ҳақ-ҳуқуқларини қонуний 
ҳимоя қилиш бўйича билим савиясини оширишда яқин ҳуқуқий маслаҳатчи 
бўлади, деган умиддамиз.

---

9
1-БОБ
МУЛК ҲУҚУҚИ ВА ШАРТНОМА