Кбк: 60. 5(5Ў) 31 Санжар Юлдашев Социологик тадқиқот методологияси [матн] / С. Юлдашев. Т.: Тошкент ислом университети, 2018. 228 б. (575. 1) Кбк: 31

Вазифалар 
– таърифланган муаммони таҳлил қилиш ва ҳал 
этишга доир муайян талаблар. Улар мақсадни амалга ошириш 
воситаси бўлиб хизмат қилади, воситавий характерга эга.
Тадқиқотнинг вазифалари мақсаднинг мазмун, услуб ва ташкилий 
жиҳатдан аниқлаштирилишидир. Бу социолог ишидаги ўзига хос 
оралиқ босқичлар. Масалан, ишчиларнинг киритилган янгиликка 
муносабати тўғрисидаги ахборот олиш учун социолог ишлаб 
чиқаришда инновацион ғояларни татбиқ этишда турли ходимларнинг 
иштирок даражасини аниқлаш каби вазифани ҳал этиши лозим. Бу ўз 
навбатида социолог олдига янада аниқ вазифаларни қўяди, масалан, 
ўрганилаётган вазиятда турли гуруҳларнинг иштирокини белгилаб 
берувчи меъёрий ҳужжатларни таҳлил қилиш.
Мисол сифатида қуйидаги социологик тадқиқот ишларида 
шакллантирилган мақсад ва вазифаларни кўриб чиқишимиз мумкин:
“Хорижда узоқ муддатда ишлаб келган фуқароларнинг
 мослашиш муаммолари”
Тадқиқот мақсади
. Хорижда ишлаб қайтган меҳнат 
мигрантларининг ижтимоий-сиёсий ҳаётга мослашувига кўмаклашиш 
юзасидан тавсиялар ишлаб чиқиш.
Тадқиқот вазифалари:
– Ўзбекистонда меҳнат миграциясини тартибга солишнинг 
ҳуқуқий ва институционал жиҳатларини ўрганиш;
– меҳнат мигрантларининг ижтимоий-сиёсий кайфиятига 
социологик ташхис қўйишга оид хорижий методикаларни ўрганиш 

---

57
ва керакли жиҳатларини ушбу тадқиқотда мослаштириш учун қабул 
қилиш;
– социологик тадқиқот инструментларини яратиш;
– респондентлар базасини шакллантириш ва тадқиқот жойини 
белгилаш;
– пилотаж тадқиқот ўтказиш орқали тадқиқот инструментларига 
ишлов бериш;
– дала тадқиқотини ўтказиш;
– эмпирик тадқиқотнинг статистик натижаларини умумлаштириш 
ва талқин қилиш;
– хорижда ишлаб қайтган меҳнат мигрантларининг ижтимоий-
сиёсий кайфиятини аниқлаш ва буюртмачига бериш.
Тадқиқотнинг вазифалари шартли равишда асосий ва қўшимча 
вазифаларга бўлиниши мумкин. Асосийлари «ўрганилаётган 
муаммони ҳал этишнинг йўллари ва воситалари қандай?» деган 
марказий саволга жавоб излашни кўзда тутади. Қўшимча вазифалар 
асосий вазифага ҳамроҳ бўлган масалаларни аниқлашга ёрдам беради.