Кбк: 60. 5(5Ў) 31 Санжар Юлдашев Социологик тадқиқот методологияси [матн] / С. Юлдашев. Т.: Тошкент ислом университети, 2018. 228 б. (575. 1) Кбк: 31

 “Хорижда узоқ муддатда ишлаб келган фуқароларнинг 
мослашиш муаммолари”
Асосий тушунчаларнинг мантиқий таҳлили:
Миграция
– давлатдан ташқарига ишлаш ёки яшаш мақсадида 
чиқиш.
Меҳнат мигрантлари
– 16 ёшга тўлган, чет элда яшаётган ва 
қонунга асосан чет элда ҳақ тўланадиган меҳнат фаолияти билан 
шуғулланаётган шахсдир.
Ижтимоий – сиёсий муҳит
– аҳолининг давлат томонидан олиб 
борилаётган сиёсий режим туфайли юзага келаётган ижтимоий ҳаёт 
даражаси.

---

59
Ижтимоий – сиёсий кайфият
– давлатнинг сиёсий режимига 
аҳолининг муносабати.
Деструктив кучлар
– давлатнинг суверенитети, конституциявий 
тузуми ва ҳудудий бирлигига қарши фаолият олиб борадиган ички ва 
ташқи душманлари.
5. Гипотезаларни илгари суриш
Гипотезаларнинг йиғиндиси назарий концепциянинг бойлиги ва 
имкониятлари, тадқиқотнинг умумий йўналишини акс эттиради.
Гипотеза 
– ўрганилаётган ҳодиса ва жараёнларни тушунтириш 
учун илгари суриладиган, тасдиқланиши ёки рад этилиши лозим 
бўлган илмий фараз.
Уларнинг аввалдан илгари сурилиши бутун тадқиқот 
жараёнининг ички мантиғини аниқлаб бериши мумкин. Гипотезалар 
– ўрганилаётган муаммонинг характери ёки юзага келиш сабаблари 
тўғрисидаги яққол ёки яширин ифода этилган фаразлар.
Фаразни таърифлаш учун аввалги тадқиқотлар натижалари ёки 
иқтисодиёт, статистика, психология маълумотларига асосланган 
бошланғич ахборотга эга бўлиш лозим. Таъриф берувчи, излашга 
қаратилган тадқиқотлар фаразларга эга бўлмаслиги мумкин, лекин, 
таҳлилий, сабабли алоқалар, функционал боғлиқликларни ўрганувчи 
тадқиқотлар одатда бундай боғлиқликлар қандай параметрлар билан 
боғлангани, уларнинг йўналиши ва кучи қай даражада эканлиги 
тўғрисидаги фаразларга асосланади. 
Мисол тариқасида қуйидаги социологик тадқиқот ишларида 
келтирилган гипотезаларни кўрсатиб ўтиш мумкин: