Казначейское исполнение Государственного бюджета

Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси томонидан пенсия таъминотини такомиллаштириш борасида ишлаб чиқилган норматив-меъёрий ҳужжатлар

• Ўзбекистон Республикаси Вазирлар Маҳкамасининг “Давлат пенсияларини тайинлаш ва тўлаш тартибини такомиллаштиришга йўналтирилган норматив-ҳуқуқий ҳужжатларни тасдиқлаш тўғрисида” 2011 йил 8 сентябрдаги 252-сон қарори;

• Ўзбекистон Республикаси Вазирлар Маҳкамасининг “Фуқароларнинг давлат пенсия таъминоти тўғрисида”ги Ўзбекистон Республикасининг Қонунига мувофиқ пенсияларни тўлашга харажатларни қоплаш тартиби тўғрисида Низомни тасдиқлаш ҳақида” 2014 йил 23 декабрдаги 357-сонли қарори;

• Ўзбекистон Республикаси Вазирлар Маҳкамасининг 2015 йил 14 апрелдаги 90-сонли қарори.

• Ўзбекистон Республикаси Вазирлар Маҳкамасининг 2015 йил 19 октябрдаги 297-сонли қарори.

Пенсияга мурожаат этиш тартиби

• Ўзбекистон Республикаси Вазирлар Махкамасининг 2011 йил 8 сентябрдаги 252-сон Қарори билан тасдиқланган “Давлат пенсияларини тайинлаш ва тўлаш тартиби тўғрисида”ги Низомнинг 8-бандига мувофиқ, пенсия тайинлаш тўғрисидаги ариза қонун ҳужжатларига мувофиқ пенсия олиш ҳуқуқига эга бўлган шахс томонидан унинг яшаш жойидаги Пенсия жамғармаси бўлимига берилади.
• Пенсия тайинланадиган шахс балоғатга етмаган ёки ҳуқуқий муомалага лаёқатсиз бўлган тақдирда, ариза унинг ота-онаси ёки васийси томонидан уларнинг яшаш жойи орқали берилади.
• Пенсия жамғармаси бўлими пенсия тайинлаш учун ҳужжатларни расмийлаштириш ва тақдим этиш масалалари бўйича тушунтиришлар ва маълумотномалар бериши шарт.

Пенсия ва нафақалар ҳужжатларини расмийлаштириш қоидалари

Пенсия ва нафақалар ҳужжатларини расмийлаштириш қоидалари, Ўзбекистон Республикаси Адлия вазирлигида 2011 йил 17 ноябрда 2282-сон билан рўйхатга олинган “Пенсия ишларини расмийлаштириш ва юритиш тартиби ҳамда пенсия ҳужжатларининг шакллари ва уларни тўлдириш қоидалари тўғрисида”ги Йўриқномага мувофиқ тартибга солинади.
Пенсия, ижтимоий нафақа, уй-жой-коммунал хизматлари учун компенсация пул тўловларини тайинлаш, қонунчилик билан белгиланган бошқа тўловларни тайинлаш, пенсияни қайта ҳисоблаш, пенсиянинг бир туридан бошқа турига ўтказиш, пенсия ва ижтимоий нафақа тўловини тиклаш, шунингдек пенсиядан улуш ажратиш тўғрисидаги ариза Пенсия жамғармаси бўлимига белгиланган тартибда топширилади.
Тақдим этилган ариза ва илова қилинган ҳужжатлар инспектор (ёки катта инспектор) томонидан кўриб чиқилади. Инспектор тақдим этилган ҳужжатлар ксеронусхаларини асл нусхалар билан солиштиради ва ушбу ксеронусхаларнинг аслига тўғрилигини ўз имзоси билан тасдиқлайди. Барча ҳужжатлар (асл нусхалари ва ксеронусхалари), шунингдек ариза, инспектор томонидан Пенсия жамғармаси бўлими бошлиғи (у бўлмаган тақдирда, Пенсия жамғармаси бўлимининг бошлиғи ўринбосари)га тақдим этади ва ўз навбатида Пенсия жамғармаси бўлими бошлиғи аризага ўз резолюциясини қўяди, шундан сўнг, ҳужжатларнинг ксеронусхаларини асл нусхалар билан солиштириб, ушбу ксеронусхаларнинг аслига тўғрилигини ўз имзоси ва Пенсия жамғармаси бўлимининг муҳри билан тасдиқлайди.