Казначейское исполнение Государственного бюджета

Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси Давлат пенсияларини ва ижтимоий нафақаларни тайинлаш тартиб қоидалари

Пенсия жамғармасининг ташкилий асослари

• Ўзбекистон Республикаси Президентининг “Фуқароларни пенсия таъминоти тизимини янада такомиллаштириш чора-тадбирлари тўғрисида” 2009 йил 30 декабрдаги ПФ-4161-сонли Фармонига мувофиқ 2010 йилнинг 1 январидан бошлаб пенсиялар, шунингдек ижтимоий нафақалар, компенсация ва бошқа тўловларни тайинлаш, молиялаштириш, уларнинг тўланишини ҳисобга олиш ва мониторингини юритиш Пенсия жамғармасининг тегишли ҳудудий бўлинмалари томонидан амалга оширилиши белгиланди.
• Ўзбекистон Республикаси Президентининг “Узбекистон Республикаси Молия вазирлиги ҳузуридаги бюджетдан ташқари Пенсия жамғармасининг ташкилий тузилмасини шакллантириш чора-тадбирлари тўғрисида” 2009 йил 30 декабрдаги ПҚ-1252-сон қарорига асосан Пенсия жамғармасининг ташкилий тузилмаси шакллантирилди.
• Ўзбекистон Республикаси Вазирлар Маҳкамасининг “Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси тўғрисидаги Низом тасдиқлаш ҳақидаги” 2010 йил 19 февралдаги 30-сон Қарори билан Пенсия жамғармасининг асосий вазифалари ва функциялари белгиланди.

Пенсия жамғармасининг асосий вазифалари ва функциялари

• қонун ҳужжатларида белгиланган тартибда фуқароларнинг давлат пенсия таъминотини ташкил этиш, фуқароларга пенсиялар, ижтимоий нафақалар, компенсация тўловлари ва бошқа тўловларни тайинлаш, пенсиялар ва бошқа тўловлар миқдорларининг қайта ҳисоблаб чиқилишини таъминлаш;
• пенсиялар ва бошқа тўловларни тўлиқ ҳажмда молиялаштириш ва тўланишини ташкил этиш, улар бўйича ҳисоб ва ҳисоботни юритиш;
• тизимли асосда пенсиялар тайинлаш ва уларни қайта ҳисоблашнинг доимий таҳлилини ўтказиш ва мониторинги олиб бориш, фуқароларнинг пенсия таъминотига йўналтириладиган маблағлардан қатъий мақсадли фойдаланишини таъминлаш;
• тиббий-меҳнат экспертизаси хизматлари фаолиятини ташкил этиш.
• меҳнат майиблиги ёки касб касаллиги оқибатидаги ногиронлик бўйича тайинланган пенсияларни тўлашга маблағларни даъволар бўйича айбдор юридик ва жисмоний шахслардан белгиланган тартибда ундириб олишни ташкил қилиш.