Казначейское исполнение Государственного бюджета

Давлат ижтимоий суғуртаси бўйича нафақалар ва уларни тўлаш тартиби

Давлат ижтимоий суғуртаси бўйича нафақалар тўлови Ўзбекистон Республикаси Адлия вазирлигида 2002 йил 8 майда 1136-сон билан рўйхатга олинган “Давлат ижтимоий суғуртаси бўйича нафақалар тайинлаш ва тўлаш тартиби тўғрисида”ги Низомга асосан амалга оширилади.
Мазкур Низомда кўзда тутилган тартибда қуйидаги нафақалар берилади:
вақтинча меҳнатга лаёқатсизлик нафақаси – ўртача ойлик иш ҳақининг 60%дан 100%гача;
ҳомиладорлик ва туғиш учун – ўртача ойлик иш ҳақининг 4 баробари;
бола туғилганлиги учун – энг кам иш ҳақининг 2 баробари;
16 ёшгача бўлган ногирон боланинг ота-оналаридан бирига қўшимча дам олиш куни учун тўлов – ойлик иш ҳақининг бир кунлик миқдори;
дафн этиш маросими учун – энг кам иш ҳақининг 4 баробари.
Ҳомиладорлик ва туғиш учун нафақа, 16 ёшгача бўлган ногирон боланинг ота-оналаридан бирига қўшимча дам олиш куни учун тўлов ва дафн этиш маросими учун нафақа Пенсия жамғармаси маблағлари ҳисобидан берилади.
Бола туғилганлиги учун нафақа Ўзбекистон Республикаси давлат бюджети маблағлари ҳисобидан Пенсия жамғармаси орқали тўланади.
Вақтинча меҳнатга лаёқатсизлик нафақаси қуйидагича тўланади:
бюджет ташкилотлари томонидан – бюджет маблағлари доирасида;
хўжалик юритувчи субъектлар томонидан - фойда солиғини ҳисоблашда мазкур ҳаражатлар солиққа тортиладиган базадан чиқариб ташланган ҳолда шахсий маблағлари ҳисобидан;
Эътиборингиз учун раҳмат