Katta maktab yoshidagi o’zlashtirishi past bolalar uchun korreksion rivojlantiruvchi dastur. Mavzuning dolzarbligi

KATTA MAKTAB YOSHIDAGI O’ZLASHTIRISHI PAST BOLALAR UCHUN KORREKSION RIVOJLANTIRUVCHI DASTUR.


Mavzuning dolzarbligi. Bolalardagi o’zlashtirishning pastligi bugungi kunda ko’p kuzatiladigan muammolardan biridir. Bola yosh davrlari inqirozi paytida qiyinchiliklarga ro’baru bo’ladi, natijada uning xatti-harakatlarida agressiya elementlari kuzatila boshlanadi. Natijada, bolaning ishlab chiqarish salohiyati pasayadi, uning shaxsiy rivojlanishi deformatsiyalanadi. Shu nuqtai nazardan, dastur katta maktab yosh davrlarida bolalardagi o’quv motivini aniqlash, agressiv xulq-atvorni normallashtirish va o’zlashtirish ko’rsatgichini rivojlantirishga qaratilgan.
Dasturning maqsadi. Bolalarda o’quv motivini hosil qilish, ularning tashqi dunyo bilan aloqalarida o’zini-o’zi boshqarish ko’nikmalarini shakllantirish, ichki affektiv jarayonlar va hissiy adekvatlikni normada saqlashga o’rgatish.
Dastur vazifalari.
O’zlashtirish darajasini ko’tarish;
Hissiy holatlarni anglashni o’rgatish orqali hissiy tartibga solishni uyg’unlashtirish;
Bolaning o’z ichki holatini va uning atrofidagilarning holatini tahlil eta olish qobiliyatini rivojlantirish;
Xavotirlik darajasini pasaytirish;
Bolalarga muloqotning konstruktiv shakllarini, xulq-atvor reaksiyalarini, xatti-harakatlardagi destruktiv (buzuvchi) elementlardan xalos bo’lish ko’nikmalarini shakllantirish;
G’azab, salbiy hissiy holatlarni ifoda etish va boshqarish usullarini o’rgatish;
Dasturning tashkiliy shakli. Dastur 8ta mashg’ulotdan iborat, mashg’ulotlar haftasiga 2marta o’tkaziladi, mashg’ulotning o’tkazilish soati 30-60 daqiqa, guruh 10-13 yosh oralig’idagi bolalardan iborat (soni 7-8ta).
Bolalarni tuzatish ishlari uchun tanlash psixodiagnostik metodikalar asosida amalga oshiriladi.


DIAGNOSTIK QISM.
О‘quv motivini baholash metodikasi
Mazkur metodika 10-12 yoshdagi bolalarning о‘quv motivatsiyasi, maktabga bо‘lgan munosabati, о‘qish bilan bog‘liq vaziyatga nisbatan emotsional reaksiyasini aniqlashga qaratilgan. (metodika N.G.Luskanova tomonidan taklif etilgan).