Kasbiy faoliyatda Axborot xavfsizligi” fani bo`yicha ma`ruzalar matni qarshi 2021-yil

Zamonaviy antivirus dasturlarining asosiy kursatkichlari
(2010 yil yakunlari buyicha )

1. 
   Kaspersky Internet Security 2011 (100%)
   
2. 
   DrWeb Security Space 6.0 (99%)
   
3. 
   Online Solutions Security Suite 1.5 (97%)
   
4. 
   Outpost Security Suite Pro 2010 (97%)
   
5. 
   Norton Internet Security 2010 (91%)
   
6. 
   Avast! Internet Security 5.0 (91%)
   
7. 
   Comodo Internet Security 4.1 (89%)
   
8. 
   Avira Premium Security Suite 10.0 (88%)
   
9. 
   BitDefender Internet Security 2011 (86%)
   
10. 
    ZoneAlarm Internet Security Suite 2010 (86%)
    
11. 
    Eset Smart Security 4.2 (76%)
    
12. 
    Panda Internet Security 2011 (70%)
    
13. 
    G DATA Internet Security 2011 (70%)
    
14. 
    McAfee Internet Security 2010 (63%)
    
15. 
    AVG Internet Security 9.0 (59%)
    
16. 
    F-Secure Internet Security 2010 (57%)
    
17. 
    VBA32 Personal 3.12 (55%)
    
18. 
    Trend Micro Internet Security 2010 (50%)
    
19. 
    PC Tools Internet Security 2010 (49%)
    
20. 
    Microsoft Security Essentials 1.0 (29%)
    

NAZORAT SAVOLLARI

1. 
   Kompyuter virusi nima?
   
2. 
   Kompyuter viruslari turlari.
   
3. 
   Kompyuter viruslariga qarshi kurashish metodlari.
   

15-Mavzu: Axborotni ximoyalashda tarmoqlararo ekranlarning o‘rni


Reja:
1. Tarmoqlararo ekranlar texnologiyasinig rivojlanish bosqichlari.
2. Tarmoq paketlari filtratsiyasi.
3. Tarmoqlaro ekranlarning OSI modeli sathlarida qo‘llanilishi.


Tayanch iboralar: global tarmoq, ekranlovchi marshrutizator, tatbiqiy shlyuz, ekspert sathi shlyuzi, filtrlash, vositachi dasturlar, paketli filtr.
Tarmoqlararo ekran (TE) - brandmauer yoki firewall sistemasi deb xam ataluvchi tarmoqlararo himoyaning ixtisoslashtirilgan kompleksi. Tarmoqlararo ekran umumiy tarmoqni ikki yoki undan ko‘p qismlarga ajratish va ma’lumot paketlarini chegara orqali umumiy tarmoqning bir qismidan ikkinchisiga o‘tish shartlarini belgilovchi qoidalar to‘plamini amalga oshirish imkonini beradi. Odatda, bu chegara korxonaning korporativ (lokal) tarmog‘i va Internet global tarmoq orasida o‘tkaziladi. Tarmoqlararo ekranlar garchi korxona lokal tarmog‘i ulangan korporativ intratarmog‘idan qilinuvchi hujumlardan himoyalashda ishlatilishlari mumkin bo‘lsada, odatda ular korxona ichki tarmog‘ini Internet global tarmoqdan suqilib kirishdan himoyalaydi. Aksariyat tijorat tashkilotlari uchun tarmoqlararo ekranlarning o‘rnatilishi ichki tarmoq xavfsizligini ta’minlashning zaruriy sharti hisoblanadi.
Korporativ tarmoqlarda eshelon himoyaning asosiy elementlaridan biri tarmoqlararo ekrandir. Bundan tashqari tarmoqlararo ekran ichki va tashqi perimetrlarning birinchi himoya qurilmasi hisoblanadi. Tarmoqlararo ekran (TE) lokal (bir komponentli) yoki funksional taqsimlangan vosita (kompleks) bo‘lib, u AKTlarida kiruvchi va chiquvchi ma’lumotlarni boshqaradi va ma’lumotlarni filtrlash orqali AKT himoyasini ta’minlaydi, belgilangan mezonlar asosida axborot tekshiruvini amalga oshirib, axborotlar tarqalishida qaror qabul qiladi. TE tarmoqdan o‘tuvchi barcha paketlarni ko‘radi va ikkala (kirish, chiqish) yo‘nalish bo‘yicha paketlarni belgilangan qoidalar asosida tekshirib ularga ruxsat berish yoki bermaslikni hal qiladi. Shuningdek, TE ikki tarmoq orasidagi himoyani amalga oshiradi, ya’ni himoyalanayotgan tarmoqni ochiq tashqi tarmoqdan himoyalaydi.
Ruxsat etilmagan tarmoqlararo foydalanishga qarshi ta’sir ko‘rsatish uchun tarmoqlararo ekran ichki tarmoq hisoblanuvchi tashkilotning himoyalanuvchi tarmog‘i va tashqi anim tarmoq orasida joylanishi lozim. Bunda bu tarmoqlar orasidagi barcha aloqa faqat tarmoqlararo ekran orqali amalga oshirilishi lozim. Tashkiliy nuqtai nazaridan tarmoqlararo ekran himoyalanuvchi tarmoq tarkibiga kiradi.