Касбий қайта тайѐрлаш йўналиши: Мактабгача таълим муассасалари

МТМнинг оила билан ишлаш шакллари 
«Ўзбекистон Республикасида мактабгача таълим тўғрисида»ги Низомга 
мувофиқ бола мактабгача таълимни уйда ота-оналарнинг мустақил таълим 
бериши орқали ѐки доимий фаолият кўрсатадиган мактабгача тарбия 
муассасаларида, шунингдек, МТМга жалб қилинган болалар учун болалар 
боғчасида, мактабларда, махаллаларда ташкил этилган махсус гуруҳлар ѐки 
марказларда олади.
Бола куннинг асосий қисмини МТМда ўтказса ҳам, инсон комолоти учун 
энг муҳим бўлган омиллардан бири тарбиянинг тамал тоши оилада қўйилади. 
Шу сабабли ҳам мактабгача педагогиканинг асосий мақсади бўлган болаларни 
мактаб таълимига ҳар томонлама тайѐрлашда МТМ билан оила ҳамкорлиги 
муҳим аҳамият касб этади. МТМнинг оила билан ишлаш тизимида аник мақсад, 
мазмун булиши керак. Мактабгача таълим муассасанинг ота-оналар билан 
ишлашида кенг ахоли оммаси орасида педагогик ташвиқот ишларини ташкил 
қилиш туфайли болаларни тарбиялашда ижобий натижаларга эришиш мумкин. 
МТМ ходимлари ота-оналар ва оила билан ҳамкорликдаги ишларидан энг кенг 
тарқалган шаклларини келтирамиз. 
Бола оиласи билан алоқаларни ўрнатиш шаклларидан бири дастлабки 
педагогик топшириқ
ни бажариш жараѐнидаги ота-оналар ва тарбиячининг 
мулоқотида акс этади. Педагогик топшириқнинг бир неча турларини ажратиб 
кўрсатиш мумкин. Болалар билан узлуксиз(якка, гуруҳий, жамоавий) ишлаш, 
фаол тарбиявий нуқтаи назарни талаб этувчи топшириқ: болаларнинг 
қизиқишлари билан боғлиқ тўгаракларга раҳбарлик қилиш ва бошқалар. 
Тарбиячига ташкилий ѐрдам кўрсатишни талаб этувчи топшириқ: экскурсияни 
ташкил этишга ѐрдамлашиш(транспорт, йўлланма билан таъминлаш); таниқли 
кишилар билан учрашув-ларни ташкил этишга кўмаклашиш; гуруҳ хонасини 
жиҳозлашга ѐрдамлашиш. Хўжалик вазифаларини ҳал этишга қаратилган, 
таълим муассасасининг моддий базасини ривожлантириш ва мустаҳкамлашни 
талаб этувчи топшириқ: хоналарни жиҳозлаш, ўқув жиҳозлари ва қуролларини 
тайѐрлашга иштирок этиш; таъмирлаш ишларига ѐрдам бериш. 
Педагогик топшириқларнинг санаб ўтилган мазкур турлари ота-
оналарнинг ижтимоий ишларининг барча турларини қамраб олмайди. Ота-

---

52 
оналарга улар нима билан шуғулланишни хоҳлаѐтганликлари бўйича савол 
билан мурожаат ва анкета тўлдиришни таклиф этиш мумкин.