Касбий қайта тайёрлаш йўналиши

Болага йўналтирилган таълим технологиясининг асосий тамойили 
- боланинг индивидуаллигини тан олиш ва унинг ривожланиши учун зарур ва 
етарли шароит яратишдир. Ҳар бир боланинг психологик хусусиятларини 
ҳисобга олиб, индивидуал ишлаш учун ўқув жараёнини ўзгача 
ташкиллаштириш лозим бўлади. Бунинг учун дидактик материаллар, улардан 
фойдаланиш бўйича методик тавсиялар, ўқув шакллари, болалар билимини 
назорат қилиш шакллари махсус лойиҳалаштирилиб, болаларнинг билим 
олиши ва ривожланишига қаратилади. Болага йўналтирилган таълимда болада 
белгиланган сифатларнинг шаклланишига қаратилади.
 
1.2.Педагогик жараённи ташкил этиш 
Педагогик жараён бу белгиланган мақсадга эришиш ҳамда шахсининг 
хусусият ва сифатларини ижобий томонга ўзгартиришга қаратилган тарбиячи 
ва тарбияланувчи ўртасидаги аниқ бир муддат ва маълум тарбиявий тизимда 
махсус ташкил этилган ўзаро муносабат.Унинг хусусияти шундан иборатки, у 
тарбиячи ва боланинг педагогик муносабат тизимини белгилайди. 
Агар тарбия жараёни тушунчаси мақсадга йўналтирилган болага маълум 
сифатларни шаклланиш таъсирини амалга оширишга қаратилган ҳаракат бўлса, 
педагогик жараён тушунчаси олдиндан ташкил этилган тарбиянинг ўзаро 
таъсир тизимини билдиради. 

---

98 
Бундай иш турида таълим жараёнининг вазифалари: 
 болаларни билим олиш фаолиятини кучайтириш; 
 билим олиш фаолиятини такомиллаштириш; 
 фикрлаш, ижодкорлик қобилиятини ривожлантириш; 
 диалектик-дунёқараш ва инсонпарвар-эстетик маданиятини 
шакллантириш; 
 таълим (тарбия) малакаларини такомиллаштириш. 
Педагогик жараённинг асосий вазифалари: 
Таълимий - илмий билим асосларини ўзлаштириш, амалий фаолият ва 
ўқув тарбиявий тажрибанинг мотивацион шаклланиши; 
Тарбиявий- одамлар муносабатидаги маълум бир сифат, хусусиятнинг 
шаклланиши;