Касбий қайта тайёрлаш йўналиши

1.3. Ўйин технологияси ва уларни ўтказиш методлари 
Педагогик амалиётда қўлланиладиган ўйинлар фаол ўқитиш методлари 
сирасига киради, чунки унда, талаб, боланинг маҳсулдор-таълимий фаолияти 
устуворлик касб этади. 
Ўқув ўйинлари: 
 ноаниқлик шароитида ва шартли амалиёт муҳитида ечимни қабул 
қилиш зарурати; 
 стандарт ҳолатдан фарқ қиладиган ўйинни ўтказиш шартларининг 
хилма-хиллиги; 
 қисқа муддатда ўйиннинг ўтказилиши, вазиятларни бир неча қайта 
такрорлаш имконияти; 
 қабул қилинаётган ечим натижаларининг кўрсатмалилиги; 
 назарий билимларни амалий фаолият билан интеграцияси, 
малакаларнинг ҳосил қилиниши. 
Ўйинда болаларнинг маҳсулдор ижодий изланиш тафаккури умумий 
ҳолда эмас, балки маълум фаолиятни бажаришга нисбатан ривожланади. 
Бунда болаларга турли ролларда бўлиш ва ўз ечимларини таклиф қилишлари 
учун имконият бериш мақсадида ўйин вазияти бир неча марта қайта 
такрорланади. 
Ўқув ўйинлари болаларда мустақил ишлаш кўникмаси, ижодий 
фикрлаш қобилияти ва жамоани бошқариш, ечим қабул қилиш ҳамда уни 
бажаришни ташкил этиш малакаларини ривожлантиради ва мустаҳкамлайди. 
Ўйинли ўқитиш методи кўп функционалли ва инсоннинг турли 
психологик хусусияти ва сифатларини шакллантириш ҳамда ривожлантириш 
учун қўлланиши мумкин: касбий йўналтирилганлик, ақлий мустақиллик у ёки 
бу фаолият соҳасидаги билим, кўникма ва малакалар: билиш ва касбга оид 
масалаларга ижодий ёндашиш, ташкилотчилик ва коммуникатив сифатлар, 
баҳолаш ва ўз-ўзини баҳолаш.

---

102 
Ўйинли ўқитиш вазифалари ичида қуйидагиларни алоҳида таъкидлаш 
лозим:
 тафаккурни шакллантириш;
 болада 
ижтимоий-психологик-коммуникатив 
сифатларни 
шакллантириш.
Таъкидланганлар билан бир қаторда ўйинли ўқитишнинг диагностик, 
мотивацион, моделлаштирувчи, ташкилий ва креатив, назорат ва тузатиш 
функциялари жорий этилади. 
Ўйинли ўқитиш методларининг юқори самарадорлиги анъанавий метод 
билан таққослаганда жиддий афзалликлар билан фарқланади.