Касб-ҳунар таълими маркази касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти

Қувурни эгишда қуйидаги шартлар бажарилиши лозим:

• 
  қувур ташқи сиртининг тўғри шаклда бўлиши;
  
• 
  қувурни силтимасдан бир текис эгиш;
  
• 
  қувур сиртидаги ғижимларни болғалаш билан тўғрилаш;
  
• 
  ғижим ҳосил бўлишининг олдини олиш мақсадида заготовкани аввал каттароқ радиусда эгиб, сўнгра андоза шаклига келтириш;
  
• 
  қиздириб эгишда заготовканинг ишлов бериладиган қисми совиб қолса уни қизил ранга киргунча (800⁰С) қиздириш, сўнгра эгиш;
  
• 
  қувур текширувдан ўтказилгандан кейин тиқинни чиқариб ташлаш, ичидаги қумни тўкиш ва заготовкани ювиш.
  

Меҳнат хавфсизлиги. Металларни эгишда қуйидаги қоидаларга риоя қилиш керак:

• 
  заготовкани гирага ёки бошқа мосламага тўғри ва ишончли ўрнатиш;
  
• 
  фақат созланган мосламалар ва жиҳозларда ишлаш;
  
• 
  иш бошлашдан аввал эгиш машиналарининг йўриқномалари билан танишиб чиқиш;
  
• 
  эҳтиётлик билан ишлаш, қўл бармоқларини шикастланишдан сақлаш; - қўлқоплар кийиш ва иш кийимининг тугмаларини қадаш.
  

Таянч иборалар:
Пластик – эгилувчан.
Хомут – бир томони очиқ ҳалқа.
Круглогубца – қисиш қисми конуссимон омбур. Пресс – металларни тўғрилаш, эгиш ва қирқиш дастгоҳи. 8-9 Мавзу: Эгов турлари, таснифлари ва уларга блган талаблар, юзани эговлашга тайёрлаш. Текис юзани эговлаш. Фасон юзаларни эговлаш
Режа:

1. 
   Кириш.
   
2. 
   Эговлар тури.
   
3. 
   Эговлар таснифи.
   
4. 
   Эговлаш усуллари.
   
5. 
   Фасон юзаларни эговлаш.
   
6. 
   Меҳнат хавфсизлиги.
   

Кириш

Эговлаш металл ёки деталларга ишлов бериш, уларнинг маълум қатламининг олиб ташланишидир. Эгов билан деталга талаб этилган ўлчам бўйича шакл бериш, деталларни пайвандлашга тайёрлаш, детал юзаларини текислаш, ўйиқ, тешик ва бошқа конструктив элементларга ишлов бериш мумкин. Деталларни режалаш ёки қўйишда эговлаш учун ўлчами 0,5 дан 0,25 мм. гача бўлган қўйимлар қолдирилади. Эговлаш билан ишлов бериш аниқлиги 0,2—0,05 мм, айрим ҳолларда 0,001 мм. гача бўлиши мумкин.
Эгов пўлатдан ясалган, маълум профилга эга бўлган брусок асбоб. Унинг ишчи қисми, қуйруқ қисми, қирраси ва энсиз томони бор. Ишчи қисми (тиши) кертиклардан иборат бўлиб пона шаклига эга. Эгов кертик ўлчамлари ва шакли, узунлиги, брус шакли бўйича турларга бўлинади. У10, У13А ва легирланган пўлатдан ясалади. Эговга ишчи сиртлари кертиклангандан кейин термик ишлов берилади.