Kasb tanlashda uchraydigan xatoliklarni oldini olish omillari Reja Kasb tanlashda uchraydigan tipik xatoliklar. Kasb tanlashdagi onglilik va mustaqillik. Kasblarning murakkablik omillarini taxlil qilish

Kasbga yo‘naltirish ishiga tarbiyaviy yondashuv g‘oyasi yangi g‘oya emas, albatta. Bu borada vujudga kelgan nazariya va amaliyot ikki yo‘nalish bo‘yicha: bir tomondan, kasbiy qobiliyatlarni diagnozlash yo‘nalishi, ikkinchi tomondan, kobiliyatlarni rivojlantirish, kasbga bo‘lgan qiziqishni tarbiyalash yo‘nalishi bo‘yicha rivojlanmoqda. CHunonchi, diagnostik yo‘nalish odamning qobiliyatlari tug‘ma va uning tabiiy asosini na ta’lim berib, na tarbiyalab, na faoliyat jarayonida o‘zgartirib bo‘ladi, degan fikrga asoslanadi. SHu boisdan odamning kelajakdagi kasbi oldindan belgilab qo‘yilgan, uni imkoni boricha barvaqt payqash kerak. SHu munosabat bilan odamning kasbga yaroqliligini aniqlash va xodimlarni o‘tkazilgan tekshirish natijalariga qarab ish o‘rinlariga joylashtirish kasbga yo‘naltirishning asosiy vazifasidir. Bu natijalar inson uchun ma’lumot darajasini va ixtisosini ham oldindan belgilab berishi lozim. Tug‘ma qobiliyatlar to‘g‘risidagi ta’limot tarafdorlari shaxsni o‘rganish metodi sifatida testlarni8 tilga oladilar va ularni birinchi o‘ringa qo‘yadilar.