Kasb tanlashda uchraydigan xatoliklarni oldini olish omillari Reja Kasb tanlashda uchraydigan tipik xatoliklar. Kasb tanlashdagi onglilik va mustaqillik. Kasblarning murakkablik omillarini taxlil qilish

Biroq shunday o‘quvchilar ham borki, ular bo‘lg‘usi kasb to‘g‘risida ko‘proq narsalarni bilishga harakat qilib qolmay, balki unga amaliy tayyorgarlik ko‘rishga ham urinadilar. Bunday o‘quvchilar turli to‘garaklarda, xilma-xil ijtimoiy foydali ishlarda qatnashadilar. Xo‘sh, maktab o‘quvchilarining kasb tanlashdagi xatolari nimalardan iborat, bulardan eng tipiklari qanday?

1.O‘quvchilar u yoki bu kasbdagi odamga munosabatni kasbning o‘ziga bo‘lgan munosabat bilan bir xil deb qaraydilar. Muayyan odam, uning yuksak ma’naviy xislatlari, aqlfarosati, dadil ishlari o‘quvchiga ma’qul bo‘ladi. Bunday qoyil qolish beixtiyor sevimli qaxramon shug‘ullanayotgan ishga ham o‘tadi. Binobarin, o‘smir unga taqlid kilish yo‘lidagi muddaosida qandaydir axloqiy xislatlardagina unga o‘xshash bo‘lishni emas, balki o‘zini ham ana shu kasbga bag‘ishlashni istaydi. Bunda o‘quvchi o‘sha ma’naviy fazilatlar boshqa ishda ham namoyon bo‘lishi mumkinligi haqida o‘ziga ko‘pincha hisob bermaydi. Badiiy adabiyotlardagi, kinofilmlardagi qahramonlar ko‘pincha ana shunday munosabatni tug‘diradi, tanish-bilishlardan, qarindosh-urug‘lardan birontasi, chunonchi o‘qituvchilar taqlid qilish uchun ko‘pincha namuna bo‘lib xizmat qiladilar. Taqlid qilish uchun o‘qituvchi namuna bo‘lgan chog‘da o‘quvchi unga bo‘lgan yaqinligi, mehribonligini u o‘qiyotgan fanga ham tatbiq etadi. SHunday ham bo‘ladiki, masalan, o‘quvchida biologik fanlarga bo‘lgan qiziqish, havas aniq-ravshan ko‘rinib turadi, lekin unga adabiyot o‘qituvchisi yoqqanligi uchun u o‘zining butun fikrzikrini adabiyot bilan bog‘laydi.