Kasb-hunar kollejlari uchun o‘quv qo‘llanma

2.2. Detallarni payvandlash usulida ta’mirlash.
Detallarga elektr uchquni bilan ishlov berish
Payvandlash —  biriktirilayotgan  mashina  qismlari  o‘rtasida  o‘zaro  atom
bog‘la nishini,  qisman  yoki  umuman  qizdirib  va  plastik  deformatsiyalab  yoki
ikkala  usulni  birgalikda  qo‘llab  ajralmaydigan  birikma  hosil  qilish  jarayonidir.
Payvandlashda  biriktirilayotgan  qismlar  o‘rtasida  qattiq  jism  yoki  suyuqliklar
atomi,  ionlari  va  molekulalar  uchun  xarakterli  bo‘lgan  bog‘lanish  o‘rnatiladi.
Elementar zarracha va molekulalarning bog‘lanishi kovalentli, ionli, molekulyar
va metalli bo‘lishi mumkin.
Metall  yuzasiga  tashqi  bosim  berib  deformatsiyalanganda  yuza  g‘adir-
budurligini  tekislaydi,  yuzani  har  xil  oksidlanish  va  iflosliklardan  tozalaydi,
natijada atomlar o‘zaro bog‘lanib, payvandlanish hosil bo‘ladi.
Payvandlashni  tasniflash  uchun    fizikaviy,  texnikaviy va  texnologik belgilar
olingan.