Kasb-hunar kolleji

Imtiyozli aksiya - bu aksiya egasi hissadorlar yig’ilishida ovozga ega bo’lmaydi, lekin dividendlarni qat’iy foiz stavkalarida faoliyat natijasining yakunlariga qaramasdan kafolatli daromad olish imkonini beradigan qimmatli qog’oz.
Indeks – bu solishtirishning nisbiy ko’rsatkich yoki nisbiy ko’rsatkichlarning bir turi hisoblanadi.
Indeksasiya - majburiyatlar bo’yicha to’lovlarning narx-navo ko’rsatkichi bilan o’zaro nisbatini belgilash; pul talabnomalari va turli daromadlarining haqiqiy miqdorini inflyasiya sharoitida saqlab qolish usuli.
Indeksasiya qilinadigan depozit - qiymatiga inflyasiya darajasini qo’shib hisoblash orqali belgilangan qiymati aniqlangan depozit.
Indeksasiya qilingan qarz - qiymatiga inflyasiya darajasini qo’shib hisoblash orqali belgilangan qiymati aniqlangan qarz.
Indossant – o’z huquqini boshqaga o’tkazib, o’tkazma ushat qo’ygan shaxs.
Indossat - vekselga egalik huquqini qabul qilib oluvchi shaxs.
Indossament - Vekselning orqa tomonida yoki qo’shimcha varaqda aks ettirilgan o’tkazma yozuv bo’lib, bu yozuv orqali veksel egasi boshqa bir shaxsga vekSelni hamda veksel bo’yicha undan to’liq foydalanish huquqini topshiradi.
Inisiator bank - bu to’lov operasiyasini boshlovchi bank.
Inflyasiya - lotin so’zidan olingan bo’lib, «shishish, ko’pchish, ko’tarilish» degan ma’noni anglatadi. Pulning qadrsizlanishi; pulni me’yyordan ko’p ishlab chiqarilishi oqibatida pul harakati kanallarida mol bilan ta’minlanmagan pullarning paydo bo’lishi. Mol va hizmatlar bahosining usishi, bozorda talabga javob bermaydigan mollarning ko’payishi, ortiqcha pul birliklarini muomilaga chiqarish inflyasiyaga olib Keladi.
Inkasso - 1.xalqaro savdodagi hisob-kitoblar shakllaridan biri. Unga muvofiq bank o’z mijozining topshirig’iga ko’ra jo’natilgan mollar va hizmatlar uchun hisob-kitob hujjatlari asosida to’lanishi lozim bo’lgan pul mablag’larini haq to’lovchidan oladi hamda bu mablag’larini o’z mijozning bankdagi hisobraqamiga o’tkazadi. 2. bankning mol etkazib beruvchi tomonidan to’lovchining to’lovini olish majburiyatini bajarishi borasida bo’ladigan hisoblar tartibi.