Kamal mámbetov, Kama

Shšmbay bayazš

Ey yaranlar, endi bir sóz baslayın, Esitińler táriypini Shımbaydıń,

Bárshe qız-jawannıń kewlin xoshlayın, Bir-bir bayan etip elin Shımbaydıń.

Ulıqları oqır haqtıń sanasın, Sońra aytıp ótkenlerge du®asın, Názelimler ta®ıp tillá jı®asın,

Periyzattek qızları bar Shımbaydıń.

Yaz bolsa yigitler atların baqar, At moynına la®lı-marjanlar taqar,

Ǵanım kórse tándin bashını qaqır, Rustem kibi yigitleri Shımbaydıń.

Sawash kúni miner bedew ústine, Tilladin qamshını alıp dástine, Janın qıyar ılaq shappaq qástine, Shabandozdur yigitleri Shımbaydıń.

Qáddi boyı serwi taldı gózlegen, Ibá bilen qashın qa®ıp sózlegen, Lábin tislep yuz mıń jilwa áylegen,

Shiyrin sózli qızları bar Shımbaydıń.

Qaddi shamshat kibi belleri názik, Qollarında hinju qaslı bilezik, Kózleri mástana, qashları yazıq, Qamar yuzli qızları bar Shımbaydıń.

Shekilgen imladek qashı qarası, Yuzinde shalınur zulpı ziyası, Shamshi qamar kibi husni-zibası, Sonıńday qızları bar Shımbaydıń.

Yigitleti shıqar bedew oynatıp, Jem ornına aq nabattı shaynatıp,

Qız hám jawanlardıń ishin qaynatıp, Ílaq oynar yigitleri Shımbaydıń.

Maydanda sallanur gúl-gúl áwlanlar, Gúres maydanında ur®an jáwlanlar, Qurash tutıp, bayraq alıp palwanlar, Shadı-qurram toyları bar Shımbaydıń.

Husni jamalını kórgen giripdar, Jamalın kórmegen bolur biyqarar, Iranida bolur keshalar bidar,

Shundek ashıq-mashuqları Shımbaydıń.

Dástúr shúldır shahri Shımbay elinde, Yaman sózni hasla almas tiline, Qızlar altın kesa alıp áline,

Yigitga uzatur qızı Shımbaydıń.

On tórtten kóringen aydek yuzları, Qash tagide oynar qara kózlari, Bergen sharabıdek shiyrin sózleri, Máhitaban qızları bar Shımbaydıń.

Mısrdan rawajdur, Shımbay qalası, Jor®a júrmel miner gúllán ,alası, At shappa®a keńdur anıń dalası, Shunıńdayın elleri bar Shımbaydıń.

Bir eli bar anıń baqanlı arshan, Tamashalar kórer barsalar hár jan, Dásturqanı bilan alurlar miyman, Shunındek erleri bardur Shımbaydıń.

Bárshe elden a®la Shımbaydıń eli, Qızları bar qıldan ingishka beli, Sóylese yarqırar dúnyanıń yuzi,
Xosh qılıq, bir sózli qızı Shımbaydıń.

Kiygeni laladur belleri nazik, Álida bilazuk, barmaqta yuzuk,

Hárbir aytqan sózi besh yil®a azıq, Shiyrin sózli qızları bar Shımbaydıń.

Óńirine tilla háykel ta®ıl®an, Kórgen yigitleriniń ba®rı yaqıl®an, Gewishine tilla mıyıq qa®ıl®an, Xosh qılıqlı qızları bar Shımbaydıń.

Kegeyliden suw a®adı barq urıp, Suw digirman aylanadı sharq urıp, Bir ay seyil berer dárwazlar qurıp, At kótermes yigitleri Shımbaydıń.

Mudam sawbet áyler sawbet ishinde, Har kún sayır áyler yazı-qıshında, Áyne sha®ı on tórt-on bes jasında, Qara kózli qızları bar Shımbaydıń.

Ol qara shashları beline túshken, Júzleri almadek qızarıp pishken, Ólgenshe umıtpas belinen qushqan, Alma yuzli qızları bar Shımbaydıń.

Bir tiyresi on tórt ruw diyerler, Qız jawanı qızıl qamqa kiyerler, Kórgen yigitlerdiń ishi kúyerler, Sallanıp sıypanar qızı Shımbaydıń.

Jáne bir tiyresi qıtay hám qıpshaq, Qızları bar uzın boylı, keń qushaq, Shash bawları bardur yipekten shashaq, Sáwri boylı qızları bar Shımbaydıń.

Ándi bir tiyresi mań®ıt-keneges, Ulu®lar etipdur ańa bir hawas, Gúlli kewish kiygenleri zer lipas, Qızıl-jasıl kiyer qızı Shımbaydıń.

Arshan bilán sháhri Shımbay arası, Anda bardur qız balanıń saresi, Ziya zulpı qashlarınıń qarası,

Qálem qashlı qızları bar Shımbaydıń.

Kóriń yigit sháhri Shımbay ellerin, Aqılı ketip ayta almas sózlerin, Kórse biyhush bolar ayday yuzlerin, Shiyrin tilli qızları bar Shımbaydıń.