Kamal mámbetov, Kama

Kún qayda

Ordıq oraq, shaptıq otın, qazdıq jap, Terdik masaq, iynimizge saldıq qap, Jas ómirler gúldey bolıp boldıq sap, Bul júristen endi bizge kún qayda?

Oraq orıp, ómir boyı boldıq qul, Islesekte alalmadıq qara pul,

Ne jánanlar bayı ólip qaldı tul, Endi o®an jaynap-jasnar kún qayda?

Kúni-túni ordıq pishen, salını, Gúzdiń kúni jıydıq pisken tarını, Ómirinshe bir toyma®an qarını,

Ash, jalańash biz sorlı®a kún qayda?

Salıq salıp usı hal®a hárdayım, Salı®ın salıw®a biz boldıq qayım, Bir jutım bul waqta boldı uwayım, Bul júristen endi bizge kún qayda?

Iyinge tartarlıq jáne joq kiyim,

Hám de a®ayin joq, qáwender beyim, Kósilip jatar®a jáne joq úyim,
Bul júristen endi bizge kún qayda?

Tapqanımız jetpey qara teńgege, Ayıstırıp kiyim alıp kiymege, Hám bazarlıq qatar-qurbı jeńgege, Alıp barar endi bizge kún qayda?

Ne payda jigitler, jal®anshı dúnya, Aldadı bizlerdi jol salıp qıya, Qara basqa bul ne degen waqya,

Bul júristen endi bizge kún qayda?
Buyaqta®ı kórgen qorlıq, azaptı, Kúni-túni etken awır talaptı,
Shay ornına ishken ayran-shalaptı, Dos-yaran®a aytatu®ın kún qayda?

Jaz keler me?

Dawıl boldı úrgin urdı, Qosımnıń qamısın túrdi, Duman bastı aspan-jerdi, Puqara®a jaz keler me?

Tama®ım joq isherime, Kóligim joq kósherime, Tósegim joq tóserime, Biz sorlı®a jaz keler me?

Janımdı aldı sıran suwıq, Zarpınan jarıldı uwıq, Ómirinshe kórgen qorlıq, Puqara®a jaz keler me?

Júrgen jerim Ayırsha ataw, Aya®ıma saldı mataw,

Qay waqıtta tarqar tataw, Bul qorlıqta jaz keler me?

Arqam Toqtas suwı tereń, Adam barmas úlken ózen, Bir basımda aqırzaman, Puqara®a jaz keler me?

Kósilip jatar úyim joq, Iyinge tartar kiyim joq, Toqı®an bizlerge buyım joq, Men sorlı®a jaz keler me?

Qarańlar hazlı zatıma, Páryad etken bul dadıma,

Júdegen bul elatıma,
Aqır bir kún jaz keler me?