Kamal mámbetov, Kama

Bul jer ele zor boladš

Qáweset bar: qaraqalpaqlar, Kóp uzamay kósher degen. Qayda®ı bir jaqsı jaqqa, Barıp qonıs basar degen.

Oqıdım bir gazetadan, Ǵamxorshımız kóp-aw, toba! Erinbesten esapla®an, Sırtımızdan sızıp joba.

Aytıwınsha: kóshsek bunnan, Jańa qonıs jay®a qarap, Aral®a suw apar®annan, Ana®urlım arzanıraq.

Esapla®an shotqa salıp...

Al bu®an ne shek qoyasań!
«Shotın qoldan julıp alıp, Hásseniy bir!..» dep qoyasań.
Ketken ®azlar kólin joqlap, Usı kúnde kelip júrgen.
Oy juwırtıp so®an shaqlap, Bir nárseni bilip júrmen.

Bardur boljaw qábiliyetim, Bilgen nársem sol boladı: Sál azıraq sabır etiń,

Bul jer ele zor boladı.

Sabir etiń sál azıraq,

Duzlı shań®ıt degen gáp pe? Kompis bolıp biz házir-aq, Úyrenistik o®an hátte.

Awız suwıń duzlıq bolsa, Úyrengen óz duzıń bolar.

«Suw bar ma?» dep soza-soza, Túye moynı uzın bolar!

Astı da duz, ústi de duz, Jasap tur®an jerimizdıń.

Ashshı®oy dep nalımańız, Tam®an mańlay terimizdi.

«Duz tatıp ket!» degendi de, Tegin aytqan dep bolmaydı. Sóylegende sózińniń de, Duzı bolsa shep bolmaydı...

Biraq jetpes óz jerińe, Qansha jaman degende-de. Beyishtiń tap naq tórine, Katej qurıp bergende de.

Óytkeni bir qarabaraq — Shóp emes®oy adam degen. Tereń tamır ur®an daraq — Watan degen, Watan degen!

Qattı a®ıslı úlken dárya, Kók teńizge quy®an jerde, Qos basarda ata-baba, Súyenip siyseri belge.

Niyet etken deydi tańda: Kim islese hadal eńbek, Jarqılıq jer, sol adam®a Árwanaday iyegór dep.

Jer ashıp dút kegeylerden, Suw aparıp, daqıl ekken.

«Kesew shanıshsa kógergendey» Degen sózdi naqıl etken.

Usı jerde ósip-ónip,

Qara shańaraq el bol®anbız. Awır miynetine kónip.
Islep qara ter bol®anbız.

Bunda tapqan ır®aqların, Qosı®ımız, ertegimiz.

Bul jer ushın bir waqları, Dirildegen telpegimiz.

Ja®alasıp jaw kelse de,

Bul jerdi hesh bermegenbiz. Kim qay tilde sóylese de, Til jatırqap kórmegenbiz.

Qara úy me, kiyiz úy me, Xiywa tarash háwli me ya? Sıbay qonıp tatıw kúyde, Bir shańıraq saldıq uya.

Kewlimiz de, arımız da, Bir górektey xanalasqan. Malımız da, janımız da, Qanımız da aralasqan.

Diyqanshılıq gúl jaynasa, Teńizinde aw mayla®an, Sharwalarım mal aydasa, Shayarları sóz ayda®an.

Jańa turmıs qusha®ında, Shalqıp atqan el edik biz. Abadanshılıq osha®ında, Ot sónbewin tiledik biz.

Toyıp sekirip soń biraq ta, Hádden asıp ketsek kerek. Bul ádiwli topıraqqa — Kóp qıyanet etsek kerek.