|
Prozasš. N.Dáwqaraevtıń «Kóp kúnlerdiń birewi»,
«Internatta», «Toy®a bar®anda», «Biybixan», «Ba®man»,
«Baxıtlı miynet», «Batırlıq», «Umtılmaytu®ın miynetler» dep atal®an birqansha ocherkleri menen gúrrińlerinde 1930-40-jıllarda®ı xalqımızdıń turmısında júz berip atır®an jańalıqlar menen birge miynet adamlarınıń is-háreketleri sheberlik penen sáwlelengen.
N.Dáwqaraevtıń «Internatta» gúrrińi tariyxıy temada jazıl®an. Bul gúrrińde xalqımızdıń awdarıspaqqa shekemgi hám awdarıspaqtan keyingi real turmısı tiykar etip alın®an. Gúrrińniń syujeti sol dáwirdiń qur®ın adamlarınıń biri Jumash bay, kámba®al Turımbet hám onıń hayalı Ulbosın, balası Tóresh obrazı átirapına qurıladı. Gúrrińniń basında Turımbettiń ayanıshlı kún-kórisi, baydan kórgen azabı súwretlense, al, Turımbet ólgennen soń ana balanıń tá®diri onnan beter qıyınlasadı. Endi olar qayaqqa barıp qonıs basıp, kimnen járdem sorarın bilmeydi. Aqırı olar Qońırat qalasına keledi. Tóresh bolsa, endi ózindey joqshılıqta
jasap atır®an balalar menen birge quwırdaqshılardan mehir kútedi. «Qazanda®ı may «bıj» etse, birin-biri túrtip, arqaların quwjıń-quwjıń etkizedi. Kepkirdegi balıq tabaqqa túsip iyesiniń aldına barsa, eki kózin sol adamnan ayırmaydı. Qashan ornınan turar eken dep ańlıydı da otıradı. Ol adam ornınan qoz®alıwı máttal, qal®an-qutqan balıqtı súyek-múyegi menen sındırıp, qos-qollap awzına salıp, pıshırlatıp shaynaw®a kirisedi». Jazıwshı usılayınsha, sol dáwirdegi Tóresh qusa®an jetim hám ash balalardıń tipik tá®dirin sheber asha al®an. Gúrrińniń sońında Tóresh hám onıń jora joldasların bunday azaplı turmıstan mektep-internat qutqaradı. Gúrrińde Tóresh obrazınıń jetiskenligin kóp jerde kóriwge boladı. Ashlıq hám mútájlik, awırıp atır®an anasına ®amxorlıq etiw jas bala Tóreshti bazardan balıq urlaw®a hám anasına shala-sharpı pisirip beriwge májbúr etse, ol internatqa kelgen dáslepki kúnniń birinde-aq, payına tiygen nandı jemesten anasına aparıp beredi. Jazıwshı Tóresh obrazı arqalı balanıń ana®a bol®an húrmet-izzetiniń sheksiz ekenligin, qanday qıyın dáwir bolıwına qaramastan, ana-bala arasında®ı mehir-muxabbattıń sónbeytu®ınlı®ın sıpatlap beredi. Gúrriń sońında Tóreshtiń anası Ulbosın da internatqa aspaz bolıp jumısqa ótedi hám olar usılayınsha baxıtlı turmısqa jol aladı.
N.Dáwqaraevtıń kópshilik gúrrińleri menen ocherklerinde miynet adamlarınıń obrazı jasaladı. «Baxıtlı miynet» gúr- rińinde Sadullanıń burın®ı hám házirgi turmısı salıstırmalı túrde súwretlenedi.
N.Dáwqaraev urısqa qatnaspadı, sonda da birneshe shı®armalarında urıs epizodların isenimli hám sheber súwretlegenligin kóremiz. Bul onıń tereń bilimliligi hám turmıstı jaqsı bilgenliginen bolsa kerek. Jazıwshınıń
«Batırlıq» gúrrińinde de urıs epizodları isenimli beriledi. Gúrriń qaharmanı burın®ı jumısshı Sabırbay áskerlikke alınadı. Ol burın tuwıl®an jerinen basqa jerdi kórmegen. Jer kóriw hám el kóriwdiń ózi de Sabırbaydı burın®ı®a qara®anda birqansha jıynaqlı hám ádewir sergek etedi. Ol urısqa túsemen degenshe de turmıstıń ashshı- dushshshısın tatadı. Jazıwshı Sabırbaydıń erlik islerin ashıwda onı bólek alıp qaramaydı. Ol da urısta kópshilik adamlardıń biri sıpatında háreket etedi. Sabırbay Stalingrad
sawashına qatnasadı. Bul sawash urıs dáwirindegi eń awır sawashlardan esaplanadı. Kem-kemnen Sabırbayda qorqınısh degen nárse jo®aladı. Bul kórinisti jazıwshı «Birneshe kúnnen keyin barlı®ına da úyrenip kettik, ólim yadımız®a kirip-shıqpaytu®ın boldı» degen Sabırbaydıń sózi menen isenimli beredi.
Serjant Kozlovtıń basshılı®ında Sabırbay hám eki jigitti dushpannıń ornalasqan jerin bilip qaytıw®a jiberedi. Olar qaytıp kiyatır®anda dushpan sezip qalıp oqqa tutadı. Usı jerde eki jawınger oqqa ushadı, Kozlov hám Sabırbay óz bólimine qashadı. Olar ekewi, al dushpan bolsa kópshilik. Dushpan olardı tiriley qol®a túsirmekshi boladı. Olar qashıp hám atıp kiyatır. Usı jerde Sabırbay jaralanadı.
«Oq tiygen jerdi baylap otırıw®a waqıt qayda? Jaranıń awır®anı shıbın shaqqanday kórinbeydi» — deydi Sabırbay. Jazıwshı usılayınsha barlıq waqıyanı gúrriń qaharmanı Sabırbaydıń tilinen isenimli hám qızıqlı bayan etedi.
Do'stlaringiz bilan baham: |
