Калит сўзлар: Wеb-саҳифа, Wеb-сайт, Wеb-сервер, html, xml, хhtml, wмl, клиент-сервер технологияси. Ишдан мақсад

ТСP (Transmission Control Protocol). Қабул қилувчи ва узатувчи компютерларнинг мантиқий боғланишга асосланган маълумотлар узатишини қўллаб - қувватловчи қайднома.
IP (Internet Protocol)- Маълумотлар узатишни таъминлайди

Интернетнинг пайдо бўлиши тарихи 60-йилларнинг охирида Америка ҳукумати томонидан асос солинган ARPANet (Advanced Research Projects Agency ташкилоти) ҳисоблаш тармоғига бориб тақалади. Тармоқ ҳарбий ташкилотларга хизмат қилган.

1980 йиллар бошларида маълумотларни узатишни бошқариш протоколи ТСP/IP (Transmission Control Protocol/ Internet Protocol) га асос солинди. Тахминан шу вақтда маълум бўлдики, ТСP/IP дан турли миллий ва халқаро даражадаги компютер тармоқларини боғлашда фойдаланиш мумкин.
1989 йилнинг охирида ARPANet мукаммал ҳолга етиб келди, лекин бу вақтга келиб кўпгина унивецитетлар ва илмий муассасалар Интернетга уланган эдилар. 1990 йиллар бошларида корпорациялар ҳам Интернетдан электрон почта орқали маълумотлар алмашишда актив иштирок этардилар. У вақтларда Миллий Илмий фонд тижорат мақсадида Интернетдан фойдаланишни таъқиқлаган эди. 1991 йилда бу чеклаш бекор қилинади ва Интернетдан ташкилот, муассаса, ноҳукумат ташкилотларининг фойдаланиш даражаси ортди, шунингдек, тижорат мақсадида Интернетдан кенг фойдаланила бошланди (Интернет магазинлар, Интернет рекламалар ва ҳ.к.).
1993 йилда биринчи Wеb-браузер Mosaic пайдо бўлди.

Биз Интернет тармоғидаги Wеb-саҳифаларни кўришимиз учун WWW (World Wide Web) деб аталувчи сервисдан фойдаланамиз.

World Wide Web (WWW, Бутун дунё ўргимчак тўри) - бу клиент-сервер технологияси асосида ташкил этилган, кенг тарқалган Интернет хизматидир.

WWW (Wоrld Widе Wеb) - бу қанақадир Интернетдан ажратилган маълум бир жой эмас, компютер алоқа ўрнатадиган бирор нима ҳам эмас. Бутунжаҳон ўргимчак тўрини Интернет доирасидаги хизмат дейиш тўғрироқ. Wеb-серверлар деб аталувчи маълум протоколлардан, компютерлардан фойдаланиш орқали (чунки улар тармоққа уланган ва сервер дастурий таъминотига эга) Интернет хизмати йўлга қўйилади.

Компютер Wеb-сервер бўлиши учун Интернетга уланган ва сервер дастурий таъминоти (ДТ) га эга бўлиши етарли. Бу ДТ билан Windows, Маc ОС, UNIX каби операцион системалар таъминлай олади. Wеb-сервер ҳар доим Интернетда “ўтиради” ва талаб қилинган томонга керакли информацияни жўнатади.

Wеbда ҳужжатлар билан ишлаш мумкин. Қуйида улардан баъзи бирлари билан танишиб чиқамиз.